Завгаев, Ахьмар ГӀапуран воӀ

Вина 1947 шеран гӀуран беттахь 20-чу дийнахь Кхазакхийн ССРехь Карагандан областера Тельманан кӀоштан Токаревка эвлан (хӀинца Габиден Мустафин) Нурински станцехь.

1973 шарахь чекхйаьккхина Серноводскан йуьртабахаман техникум^[1].

1979 шарахь чекхйаьккхина Ломан йуьртабахаман институт^[2].

2003 шарахь чекхйаьккхина Президентан пачхьалкхан гӀуллакхан Российн академи^[3].

1965—1971 шерашкахь болх бира тракторист, тракторца-арелелоран бригадан бригадир.

1971—1974 шерашкахь — белхан комитетан председатель а, 1974—1980 шерашкахь — коьрта инженер а, 1980 шарахь дуьйна — совхозан директор а.

1995—1996 шерашкахь — Башкортостан Республикин Арахьарачу гӀуллакхийн ассоциацин Таможнин гӀуллакхан центран инарла-директоран гӀовс.

1996—1997 шерашкахь — Федерацин Советан декъашхочун гӀоьнча.

1997—1999 шерашкахь — ЗАО «Атомагросервис» йукъараллин инарла-директор.

2000—2003 шерашкахь — Нохчийн Республикан администрацера Федерацин Кхеташонехь векал, Федерацин Кхеташонан экономикин политикан а, предпринимательствон а, бахаман а комитетан председателан гӀовс.

2001—2002 шерашкахь — Федерацин Кхеташонан бюджетан а, налогийн политикан а, финансийн а, валютан а, таможнин а низамийн а, банкийн а комитетан декъашхо^[4].

2002—2003 шерашкахь — Федерацин Кхеташонан экономикин политикан а, предпринимательствон а, бахаман а комитетан председателан гӀовс^[4].

2003 шеран гӀуран беттахь 7-чу дийнахь Нохчийн харжамийн № 32 йолчу гуонехь (Нохчийн Республика) хаьржина РФ доьалгӀа кхайкхаман Пачхьалкхан Думе.

2007 шеран гӀуран беттахь дуьйна — пхоьалгӀачу кхайкхаман Пачхьалкхан Думан депутат; хаьржина «Единая Россия» партино хӀиттийначу федералан кандидатийн испискашна декъахь. «Цхьааллин Росси» фракцин декъашхо. Бюджетан а, налогийн а Комитетан декъашхо^[5].

Цул тӀаьхьа Нохчийчоьнан Куьйгалхочохь йолчу Консультативни кхеташонан йуьртабахаман а, агропромышленностан а секторан куьйгалхочун заместитель хӀоттийра^[6].

• РФ Президентан сийлаллин грамота (2002);
• «Нохчийн Республикин Сийлахь гражданин» цӀе йелла (2002);
• Федерацин Советан баркаллааларан кехат (2003);
• ДоттагӀаллин орден(оьр.)нохч. (2003);
• «Нохчийн Республикин гӀуллакхашдарна» мидал (2005);
• Пачхьалкхан думан баркаллааларан кехат (2005);
• Кадыровн орден (2006);
• Сийлаллин орден (2007);
• Россин Федерацин Правительствон баркаллин кехат (2011)^[7];
• Мидал «Нохчийн Республика кхоллаелла 100 шо кхачар» (2022)^[6].

Вежарий: Доку Гапурович Завгаев — дипломат, Ахмед Завгаев — Россин Федерацин турпалхо (веллачул тӀаьхьа).

Зуда йалийна ву. Пхиъ бер ду^[8].