Джабраилов, Рустам
Руста́м Джабраи́лов (1974 шеран 18 июнь, Невран кӏошт, Нохч-ГӀалгӀайн Автономин Советийн Социалистийн Республика) — нохчийн культурист, Российн а, Европин а, дуьненан а чемпион, Российн халкъашна йуккъера даржан спортан говзанча.
Биографи
974-чу шеран июнь беттан 18-чу дийнахь вина Джабраилов жимчохь дуьйна Ӏамийна латарехь а, боксехь а, каратехь а. Нохчийн пачхьалкхан хьехархойн институте деша хӀоьттира иза. 1993-чу шарахь бодибилдингца шовкъ хилира цуьнан.
1995-чу шарахь, нохчийн Хьалхара тӀом болабелча, иза Москва дӀавахара. Коьртачу шахьарахь цунна вевзира тренер Головнев Михаил, цо иза кхайкхира Москох чемпионатехь къовсавала. Кечам бан масех кӀира бен ца дисина Джабраиловс хӀетте а 4-гӀа меттиг йаьккхира къовсамехь. Нохчийчохь тӀемаш дӀабирзинчул тӀаьхьа 1996-чу шарахь Даймахка цӀавирзира Рустам.
2000-чу шарахь Москох йуха а веана, сийлахьчу къовсамашкахь толама баха волавелира иза. 2003—2004 шерашкахь цо массо а IFBB любительски бодибилдинган титулаш йаьхна, Москохан а, Россин а, Европин а чемпион хилла, тӀаьххьара а, 2004 шеран ноябрехь, дуьненан чемпион хилла. Москох дуьненан чемпионатан жюрино цунна «Кхиаман совгӀат» делира. Пенсе ваханчул тӀаьхьа Соьлж-гӀала йуха а веана, спортан кхачанан туька схьайиллира цо.
Хьажоргаш
- Рустам Джабраилов. Muscle Fitness (2004). ТӀекхочу дата: 2015 шеран 8 февраль.
- Мовлади Абдулаев. Рустам Джабраилов. Энциклопедия чеченского спорта (2004 шеран 7 август). ТӀекхочу дата: 2015 шеран 8 февраль.
- Секреты питания от Алексея Шелестова и Рустама Джабраилова. ART body. ТӀекхочу дата: 2015 шеран 8 февраль.