ГӀовтал

ГӀовтал — туьркийн а, Кавказан а къаьмнийн тӀехулара духар, ира хӀоьттина кач а болуш. Нуьйдарчий йухку, дукха хьолехь аьхна кӀади, чӀогӀа дакъевлина, накханна а, гӀода йуккъе а йуьжу, дукха хьолехь голаш тӀекхочу, лоха ирхӀоьттина кач а, пхьош а долуш. Йуйхура кучан тӀе, цӀахь ша лело магара. Наггахь герга йагӀара архалукна^[1]. ТӀаьхьа чу бамба боьллина гӀовталах йина тужулка^[2].

ГӀовтал чӀагӀбина бесца а, тегарца а йукъайогӀура дерриг гӀазакхийн эскарийн духарна. ГӀуллакхехь боцучу хенахь гӀазакхашна лело магара муьлхха беса а, кӀадин а гӀовталш. ГӀовталш цӀахь а, арахь а лелош йара. Къуона гӀазакхаша гӀовтвлаш лелайора сакъоьруш а, Ӏиданашкахь а. Баккхий гӀазакхаша лелайора цӀахь аьхна бамба боьллина гӀовталаш.

ГӀовталаш тоьгура дукха хьолехь фабрикехь динчу кӀадех: атласах, сатинах, кхечух; материал — тӀаргӀа, дари, репс, кхин дӀа а. Баккхий гӀазакхаша лелайора сийна а, Ӏаьржа а, боьмаша а беса гӀовталаш, къуоначара — цӀен, таӀна-цӀен, баьццара, айсина беса гӀовталш.

ГӀовтал – голашна тӀехула йа голашна тӀекхаччалц жимма лакхахь йолу бедар йара, гӀодайуккъехь букъ хадийна, цхьана декъах лаьтта нийса йистош а йолуш. Кач даима а лаьтташ бара, пхьуьйшаш готта а, деха а дара. ГӀовталан шаьлтан доьхкаца йихкина хилла, вуьшта аьлча, цӀестан а, детин а хӀуманашца хаздина чкъоьран доьхка, цунна тӀе шаьлта йа тур уллура.