Гогниев, Спартак Артурович

Вина БуритӀехь. Цуьнан хьалхара футболан клуб хилира кегийрхойн команда СДЮСШОР «Юность». Хьалхара тренер — А. Кочетов. Шо а даьккхина «Иристон» коьрта командехь (кхин а шо хьалха ловзуш вара «Иристон»-2 йукъахь), Гогниев дехьавелира «Автодор» клубе, цигахь ловзуш, тидам тӀебахийтира москохан «Динамо», цунна йукъа вахара 2000 шарахь. Йерриг клубехь чемпионатехь левзира 28 матчехь, 7 гол а туьйхира. 2001 шарахь дехьавелира ЦСКА, оцунна йукъахь волуш, кхайкхира гулйина команде; заявкехь вара хьошалгӀарчу матчехь Гуьржийчоьнан гулйина командица 2003 шарахь (иэшна 0:1).

2011 шеран 4 ноябрехь, ФК «Краснодаран» кегийрхойн хӀоттаман капитан волуш, Соьлжа-ГӀалахь Билимханов цӀарах стадион тӀаьхь «Теркан» дубльца матч йолуш ши можа карточка гайтина йукъара дӀавоккхуш, масийттаза коьрта суьдхо куьйгашца дӀатеттина^[2], кхин а «оьзда доцу дешнаш аьлла» къовсамхой футболисташка а, суьдхочуьнга а^[3]. Арена тӀера араваьлча агӀонан сиз болчохь, цул тӀаьхьа трибунин бухарчу чохь, тӀаккха оперативан машен тӀехь^[4] Гогниевн соьлжа-гӀалин полицейскеш а, стадионан хойш а йиттира^[5], футболистан 2 пӀенда а бойра^[6][7], къевлина мара каггийра, коьртан хье лазийра^[8][9]. Футболист кхечира дарбанан цӀийне, цигара араваьккхира 11 ноябрехь^[10].

Матчехь, 73-гӀа минотехь «Краснодар» хьалха йара 3:0 чоьтца, идов даьллачул тӀаьхьа матч чекх ца йаьккхира^[11], цул сов «Краснодар» клубан операторегара стадион тӀаьхь схьайехира ловзаран видеоматериалаш^[12]. Довха доллушехь девна комментари йеш, Нохчийн Республикин спортан министро а, «Теркан» вице-президенто а Алханов Хьайдара элира^[13]:

И эшам Краснодарна лерина бара. Спортан кепехь доцу лелар бахьана долуш дӀаваьккхина ши ловзархо. Тхан тоба майданара арайелира, краснодархо (Гогниев) дӀаваха ца лиъна, арбитран накхан тӀе тоьхна. Цара халла араваьккхира иза. Трибунаш тӀе эвхьаза мохь бетта волавелира иза. Цигахь уггаре а дукха 40-50 фанат вара. Хулиган санна лелаш вара иза. Трибунин улло кхаьчча, цхьа-ши стаг аравелира, жимма герга кхаьчна уьш цунна... ...Цунна ца тоха йиш йацара, иза ледара лелара. Суьдхочо ловзар сацийра Краснодаран тобанан бехк бахьана долуш, ткъа царна техникин эшам белира. Матчан инспекторо дерриге а ма-дарра билгалдаьккхира... ... сан дахарехь футболхо иштта лелаш ца гина суна. Цул тӀаьхьа бедарш хуьйцу чу дахара тхо, кхин а масех клубан куьйгалхо вара соьца. Цо (Гогниевс) къинтӀера а баьхна, шен бехк хиларна къера а хилла, ша галваьлла, синхаамца дина иза, иштта лела ца веза аьлла.

Долара

• Футболан къоман лигехь беттан тренер (3): 2020 шеран сентябрь-декабрь, 2021 шеран апрель.

ЦСКА

• Российн чемпион: 2003
• Российн Кедан толамхо: 2001/02
• Российн чемпионатан детин совгӀатхо: 2002

«Урал»'

• ФКъЛ Кедан толамхо: (2) 2012, 2013
• ФКъЛ хьалхейаккхаран толамхо: 2012/13

«КАМАЗ»

• Хьалхара дивизионан борзанан совгӀатхо: 2008