Болтукаев, Анзор Адаман воӀ

Вина 1986 шеран 5 апрелехь Соьлжа-ГӀалахь^[1]. ПаргӀат кепар латарца Ӏамаволавелира 1997 шарахь. Цуьнан хьалхара тренер хилира Умаров Жаа, тӀаьхьа тренировкаш йира Давудов А. Н. куьйгаллица.

2003 шарахь Скопьехь кегийрхошна йукъахь Европин хьалхейаккхаран толамхо хилира. 2006 шарахь 6-гӀа меттиг баьккхира юниоршна йукъара дуьненан хьалхейаккхарехь. 2008 шарахь баьккхира Россин чемпионатан борзанан мидал.

Спортхочун 2017 шеран латаран Европын чемпионатехь(оьр.)нохч. эцначу допинг-пробехь карийна дихкина хӀума — хигенамин. Йуьхьанца Цхьаьнатоьхначу дуьненан латаро(оьр.)нохч. (UWW) Болтукаев 10 баттана дисквалификаци йира, бехкан тӀегӀа лахара хилар тӀелацарца, хӀунда аьлча и хӀума организма чу кхаьчна бехбинчу дааран тӀеэцначу хӀумашца^[2].

Дерригдуьненан антидопинган агентствос (WADA) апелляци йелла Спортан арбитражан суьде (CAS), цо дисквалификацин хан 24 батте кхаччалц йахйира. ЖамӀехь дӀадаьхна спортхочун жамӀаш 2017 шеран майхь дуьйна, царна йукъахь Европин чемпионатан детин мидал а йолуш^[3][4].

• «Нохчийчоь — АЦШ» матчан цхьаьнакхетарехь (Гуьмсе, Нохчийн Республика) 84 кг кхаччалц йезачу категорехь америкахочунна Клинтон Ваденбергана тӀехь толам баьккхира. Цунна «Дикачу техникина» совгӀат делира;
• 2006 шеран юниоршна йукъара дуьненан первенство (Гватемала) — 6-гӀа меттиг;
• 2009 шеран латаран дуьненан Кубок (Тегеран) — 9-гӀа меттиг;
• 2009 шеран Кадыров Рамзанан Кубок — 3 !;
• Рамзан Кадырован Кубкан бронзан совгӀатхо 2010 шо — 2 !;
• Рамзан Кадырован Кубкан бронзан совгӀатхо 2011 шо — 1 !;
• Рамзан Кадырован Кубкан бронзан совгӀатхо 2014 шо — 1 !;
• 2008 шеран Россин паргӀат кепехь латаран чемпионат — 3 !;
• 2013 шеран Россин паргӀат кепехь латаран чемпионат — 1 !;
• 2014 шеран Россин паргӀат кепехь латаран чемпионат — 2 !;
• 2016 шеран Россин паргӀат кепехь латаран чемпионат — 1 !;
• 2016 шеран Рио-де-Жанейрохь хиллачу Олимпиадехь 1/8 финалгахь ийшира Украинин векална Валерий Андрейцевна^[5];
• 2017 шеран Иван Ярыгинан Гран-при — 2 !^[6];