Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Белхороев, Руслан Къурайшан кӀант

Белхоро́ев Русла́н Къура́йшан кӀант (1987 шеран 22 март, Сипсо-ГӀала, Нохч-ГӀалгӀайн Автономин Советийн Социалистийн Республика) — российски греко-римски кепара латархо, ГӀалгӀайн Республикин физически культурехула а, спортехула а волу министр (2024-чу шеран эсаран беттан 30-чу дйинахь дуьйна)[2], 2008-чу шеран Европин чемпионатан 66 кг тӀекхаччалц долчу дегӀан йозаллин тӀегӀанехь борзанан совгӀатхо. Россин спортан хьакъволу говзанча[1].

Биографи

Дуьненчу ваьлла 1987-чу шеран бекарг беттан 22-чу дийнахь Сунжа гӀалахь (цу хенахь — Нохч-ГӀалгӀайн АССР)[1]. Чекхйаьккхина Москвара физически культурин а, спортан а «Спарта» колледж. Лакхара дешар чекхдаьккхина Москван физически культурин а, спортан а институтехь а, ГӀалгӀайн пачхьалкхан университетехь (юридически дешар) а, Россин Федерацин Президент волчохь йолчу Россин халкъан бахаман а, пачхьалкхан гӀуллакхан а академехь («Пачхьалкхан а, муниципальни а урхалла» говзалла) а[3].

Спортан карьера

2008-чу шарахь Европин чемпионатан 66 кг тӀекхаччалц долчу дегӀан йозаллин тӀегӀанехь борзанан совгӀатхо ваьлла.

2010-чу шарахь ТюменехьдӀайаьхьначу Поддубный Иванан Гран-прин 74 кг тӀекхаччалц долчу дегӀан йозаллин тӀегӀанехь хьалхара меттиг йаьккхина. Белхороев Руслан Москван а, Ямало-Ненецки автономни гуонан а векал санна леташ вара. Финалехь шена деш доккха гӀо а долуш цуьнан аьтто белира Новосибирскера Иванов Алексей иэшон.

2013-чу шеран аьхка Россин спортан латаран федерацис цӀий йукъахь магош йоцу хӀума карийначул тӀаьхьа шина шарна йукъарваьккхина спортсмен[4].

Пачхьалкхан а, йукъараллин а гӀуллакхдар

Спортан карьера дӀайерзийначул тӀаьхьа тренеран болх бина[5]. 2018-чу шарахь дуьйна ГӀалгӀайчоьнан спортан латаран федерацин президент ву[2].

2022-чу шеран асаран баттахь дуьйна 2024-чу шеран эсаран бутт кхаччалц ГӀалгӀайн Республикин физически культурехула а, спортехула а волчу министран заместителан даржехь болх бина[6]. 2024-чу шеран кхолламан беттан 11-чу дийнахь министран декхарш кхочушдан хӀоьттина, ткъа 2024-чу шеран эсаран беттан 30-чу дийнахь ГӀалгӀайн Республикин физически культурехула а, спортехула а волу министран даржехь чӀагӀвина[2].

Спортан кхиамаш

  • 2004-чу шеран кадеташна йукъахь Европин чемпионат — 1;
  • 2013-чу шеран греко-римски латарехула йолу Россин чемпионат — 3;
  • 2010-чу шеран Поддубный Иванан Гран-при — 1;
  • 2009-чу шеран Поддубный Иванан Гран-при — 3;
  • 2008-чу шеран латарехула йолу Европин чемпионат — 3;
  • 2007-чу шеран греко-римски латарехула йолу юниорашна йукъахь дуьненан чемпионат — 1.
  • 2006-чу шеран Поддубный Иванан Гран-при — 1;

СовгӀаташ а, цӀераш а

  • «Россин спортан хьакъволу говзанча» сийлахь цӀе;
  • «ГӀалгӀайн Республикин физически культурин а, спортан а белхахо» сийлахь цӀе[1].

Билгалдахарш

  1. ↑ 1 2 3 4 Министр. Министерство по физической культуре и спорту Республики Ингушетия. ТӀекхочу дата: 2026 шеран 13 май.
  2. ↑ 1 2 3 Руслан Белхороев утвержден в должности министра спорта Республики Ингушетия. Министерство по физической культуре и спорту Республики Ингушетия. ТӀекхочу дата: 2026 шеран 13 май.
  3. ↑ Руслан Курейшевич Белхороев. Министерство по физической культуре и спорту Республики Ингушетия. ТӀекхочу дата: 2026 шеран 13 май.
  4. ↑ Бронзовый призёр ЧР по борьбе Белхороев дисквалифицирован на два года за допинг. Чемпионат.com (2013 шеран 20 август). ТӀекхочу дата: 2026 шеран 13 май. Архивйина 2013 шеран 23 августехь
  5. ↑ Белхороев Руслан Курейшевич. Федерация спортивной борьбы России. ТӀекхочу дата: 2026 шеран 13 май.
  6. ↑ Руслан Белхороев назначен заместителем министра по физической культуре и спорту Республики Ингушетия. Сердало (2022 шеран 27 июнь). ТӀекхочу дата: 2026 шеран 13 май.

Категореш