Бексултанов, Муса Эльмурзан воӀ

Муса Бексултанов вина 1954 шеран мангалан беттан 1-чу дийнахь Кхазакхийн ССРСн Мендыкаринскан кӀоштан Боровой (хӀинца Боровски) йуртахь. 1957 шарахь иза цӀа вирзина. Алхазурово йуртахь хьалакхиъна иза. 1979 шарахь цо чекхйаьккхира Нохч-ГӀалгӀайн пачхьалкхан университетан филологин факультет. Цхьана литературин цхьаьнакхетараллин «Пхьармат» декъашхо вара иза^[1][2][3].

1987 шарахь дуьйна Бексултанов Мусас болх бира «Стелаӏад» («Радуга») берийн журналан коьртачу редакторан заместителан даржехь, ткъа 2007 шарахь дуьйна коьртачу редакторан даржехь^[4].

Бексултанов Муса нохчийн маттахь дийцарш йаздо. Иза ву хӀокху дийцарийн автор: «Буо» а, «Терза» а, «ТоргӀа» а, «Ӏаламат» а, «ГӀаланаш а, аэропорташ а», «Болийначу йуха боьрза некъ» а, кхин а^[1].

Произведенеш гочйина оьрсийн а, балкхаройн а, французийн а, ингалсан а, немцойн а, полякийн а, италхойн а меттанашка^[3].

Шен произведенешкахь М. Бексултановс коьрта тидам тӀебохуьйту нохчийн халкъан историна а, дӀадаханчунна а. Йаздархочо сагатдо йукъараллехь оьздангаллин низам а, ламастан дахаран кепаш а дӀайовларан бахьана долуш^[2].

• дийцаран гулам(оьр.)нохч. «Мархийн кӀайн гӀаргӀулеш» («Облаков журавли белые») — 1985 шо;
• дийцаран а, повестешан а гулам «Йуха кханна а селхана санна…» («И завтра, как вчера») — 1988 шо;
• дийцаран гулам «Наггахь, сайн сагатделча…» («Иногда, когда мне грустно») — 2004 шо;
• сочиненишан гулам 2 томехь «Я хьан тухур буьйсанна хьа неI» («И кто постучится ночью в твою дверь») — 2004 шо;
• гулам «Сан вешин тӀехьийза йоI» («Девушка моего брата») — 2011 шо^[5].

• Ленинан комсомолан совгӀатан лауреат (1988)^[4];
• Мидал «Нохчийн Республикина хьалха дина гӀуллакхашна»;
• «Вайнах» журналан лауреат^[6];
• Литературан категорехь «Дато бухӀа» совгӀатан лауреат (2005);
• Нохчийн Республикан халкъан йаздархо (2005).

Зуда йалийна ву. Диъ бер ду^[1].