Батиров, Мавлет Алавдинович

ЖӀайхо^[1].

Батиров жима волчу дуьйна цуьнан дас тайп-тайпана спортан къийсамашка вуьгура. Цунна 7 шо кхаьчча дас иза спортан секце вигира. Цуьнан хьалхара тренер вара Сайгидпаша Умаханов.

2003 шо дуьйна Батиров Российн гулйина тобанан декъашхо ву. Иза вара ЦСКА клубехь. Цуьнан тренераш бара Сайгидпаша Умаханов, Магомед Азизов, Джамболат Тедеев.

2008 шарахь Пекинехь хилла Олимпиада чекхйалчула тӀехь цунна операци йира. И операци бахьнехь цунна 66 кг кхаччалц йозаллин категоре вала дийзира. 2010 шарахь шен керла категорехь иза сиха эшийра^[2].

2011 шарахь Мавлет Российн чемпионатехь дато мидал йаьккхира шен ваша Адам воцург массо а эшавеш. 2011 шарахь дуьненан чемпионатехь Адамега мидал йаккхар ца хилир.

• Олимпиадийн чемпион (Афины 2004, Пекин 2008);
• Дуьненан чемпион а (2007), борзан совгӀатхо а (2006);
• Европин чемпион а (2006), борзан совгӀатхо а (2003);
• Российн чемпиона а (2003, 2004, 2006, 2008 шераш), дато мидалхо а (2005, 2007, 2011).

• Российн Сийлахь спортан говзанча (2004)
• ДоттагӀаллин орден (2006 шеран чиллн бутт 18-гӀа де) — физкультура а, спорт а кхиорехь боккха дакъа лацарна, ткъа иштта спортан башха кхиамаш бахарна;
• Орден Почёта (2009 шеран хьаьттан бутт 2-гӀа де) — физически культура а, спорт а кхиорехь доккха дакъа лацарна, 2008 шарахь Пекинехь хиллачу XXIX Олимпиадан ловзаршкахь спортан дика кхиамаш бахарна;
• ДегӀастанан халкъан турпалхо;
• Цхьаьнакхеттачу дуьненан латаран (UWW) цӀеран зале йукъайаьккхина «Маьрша латар» категорехь (2024 шеран хьаьттан бутт)^[3].

Даргин зуда а йалийна, пхи бер ду цуьнан (кхоъ кӀант а, шиъ йоӀ а, царех цхьаъ Ӏайша цӀе йолуш). ДегӀастанан пачхьалкхан университет чекхъйаьккхина ву иза.