Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Байсаров, Руслан Сулиман воӀ

РУВИКИ чохь изза фамили йолчу кхечу адамех лаьцна йаззамаш бу Байсаров.

Русла́н Сули́мович Байса́ров (1968 шеран 9 август, Шинасуьйра-юкъ, Нохч-ГӀалгӀайн Автономин Советийн Социалистийн Республика) — россин хьуьнарча. «Туван энергетикин промышленностан корпораци» (ТЭПК) АО-н долахо а, Директорийн советан председатель а, «Бамтоннельстрой-Мост» компанийн тобан (2021-чу шеран октябрь бутт кхаччалц — ГК СК МОСТ) коьрта акционер, «БТС-МОСТ» АО-н тергонан советан председатель (2024-чу шеран чекхенгара дуьйна)[1].

Шо хӀора шарахь Forbes-ан «Россин 200 уггаре хьалдолу бизнесмен» рейтинган йукъаводу[2].

Биографи а, карьера а

1986 шеран 9-чу августехь Нохчийн Республикин Соьлжа-ГӀалин кӀоштан Пригородни йуьртахь Байсаров Сулиман а, Касиратан а дуккха а бераш долчу доьзалехь вина. Нохчийн Хачарой тайпана ву. Бизнесхочо ша ма-дийццара, цуьнан да-нана таро йолуш ца хилла, цундела жимчохь дуьйна цунна ахча ша даккха дийзира[3][4].

1985-чу шарахь школа чекхйаьккхинчул тӀаьхьа Москоха веана, Москохан инженерно-гӀишлошйаран институте деша хӀоьттина[5].

1986-чу шарахь дуьйна 1988-чу шаре кхаччалц стратегически маьӀна долчу ракетан эскаршкахь гӀуллакх дина, демобилизаци йина воккха сержант даржехь. ТӀаьхьа деша хӀоьттина академик М. Д. Миллионщиковн цӀарах йолчу Соьлжа-ГӀалин мехкдаьттан институте, иза чекхйаьккхина 1996-чу шарахь «инженер-экономист» говзаллица[6].

2001-чу шарахь Москохан пачхьалкхан университетехь социологин магистран тӀегӀа (степень) йаьккхина[7].

Студент волчу хенахь, оьрсийн маттахь болх бан кечйина йолу импортан компьютерш йохкарца шен хьалхара дика ахча даьккхина[8].

Байсаровн хьалхара бизнес-проект йара Москохахь Краснопресненски бердйистехь йолчу Дуьненайукъара махлелоран центрехь (ДМЦ) йолу хазаллин салон. 1997 шарахь предприниматела режиссёрца Бондарчук Фёдорца а, актёрца Михалков Степанца а цхьаьна кхоьллира «Инфант силвер» компани. ДМЦ чохь иштта йара Россин хьалхарчу японийн ресторанах цхьаъ, буьйсанан клуб, жима казино а, арахьара парковка а — уьш йерриг Байсаровн йара[6].

1990-гӀа шераш чекхдолуш Байсаров Руслан мехкадаьттан бизнесца волавелира. Цуьнан шен «Инфант» рознични компани йара, цо 1,5 млн тонн гергга мехкадаьтта кечдора Москохан мехкадаьтта кечден заводехь. Байсаровн компанис Россин махкахь йолу ши эзар гергга заправка (мехкадаьтта дутту меттигаш) бен ца Ӏаш, иштта тайп-тайпана бюджетни организацешна а, пачхьалкхан структурина а гӀуллакхаш дора[4][6]. Оцу хенахь иза вице-президент хилира Москохан йагорган ассоциацин (Московская топливная ассоциация), цу йукъахь оцу заманчохь 50 сов организаци йара. Оцу организациша Москохан йагорган базарца дохкаран 75 % (процентан) чухоам кхочушбора.

2001 шарана тӀера 2004 шаре кхаччалц — «Москохан мехкадаьттан компани» (Московская нефтяная компания) ОАЙ вице-президент вара. И компани кхоьллинера 1999 шарахь Москохан мэран омрица, коьрта гӀала дикачу мехкадаьттан сурсаташца цхьаэшара латторан система кхиоран Ӏалашонца. 2004—2005 шерашкахь — «Йуккъера йагорган компани» (Центральная топливная компания) ОАЙ вице-президент вара, цу йукъахь йара Москохан мехкадаьтта кечден завод (ММКЗ). И завод оцу хенахь Москохан регионе мехкадаьттан сурсаташ кхоьхьуьйтуш йолу коьрта меттиг йара. 2005 шарахь «МНК-АВТОКАРД» ЗАЙ директорийн кхеташонан председателан даржехь вара.

2005 шарахь Байсаров Руслан ОАО «Москохан мехкадаьттан-газан компани» (МНГК) вице-президент хилира. 2007 шарахь оцу компанин хьалхара вице-президент хилира, цуьнан урхаллехь йара ОАО «Москохан мехкадаьтта кечден завод», ОАО «Мосмехкадаьттан сурсаташ» а, ОАО «Москохан йагорган компани» а[9].

2008 шарахь Байсаровс «Sibir Energy» мехкадаьттан компанин активнийн цхьаьна декъана бакъонаш ийцира[10]. 2010 шарахь Байсаровн пакет «Газпром нефть» компанис ийцира, цуьнан мах 740 млн доллар сов хӀоттийна[11].

2010—2011 шерашкахь ОАО «Центральная топливная компания» (Йуккъера йагорган компани) хьалхара вице-президент даржехь вара[12].

АО ТЭПК а, «Элегест — Кызыл — Курагино» аьчка некъан генна а

2013 шарахь Байсаров Русланан АО «Тувийн энергетикин промышленностан корпораци» (АО «ТЭПК») компанис ийцира Россин уггар доккха долчу Элегестан кӀоран меттиг талларан лицензи. Оцу меттиган йерриг майда 84 км² йу, кӀоран запасаш 855 млн тонн йу[13].

2018 шеран апрелехь Россин Федерацин Правительствос омра тӀеийцира, цуьнца и цӀерпоштнекъ барехь а, лелабарехь а 30 шарана концессин гурашкахь гӀуллакхаш дийр ду. Иза кхочушдаран Ӏалашонца кхоьллира АО «ТЭПК „Кызыл — Курагино“» компани, цуьнан акционер АО «ТЭПК» йу. Россин Федерацин Правительствон омра кхочушдаран Ӏалашонца 2018 шеран майхь Россин Федерацис, Федеральни цӀерпоштнекъан транспорт агентствон йуьхь тӀехь, АО «ТЭПК „Кызыл-Курагино“» компаница концессин барт бира. И барт бара Элегест-Кызыл-Курагино цӀерпоштнекъан асан йукъара леларан инфраструктурин объекташ финансашца латторехь, йарехь а, лелабарехь а[14].

2019 шеран апрель беттан йуьххьехь АО «ТЭПК „Кызыл-Курагино“» а, ОАО «РЖД» а йукъахь куьг йаздира «Элегест — Кызыл — Курагино» цӀерпоштнекъан га проектировани йарехь а, йарехь а долчу бартана тӀехь. Россин экономикин кхиоран министро Орешкин Максимс (иза 2019 шеран март беттан чекхкхера Тыван Республикин куратор хӀоттийнера), оцу бертах лаьцна элира: иза уггар йоккха инвестиционни проект йу, малхбален Сибиран регионан хьал чӀогӀа дикачу агӀор хийца йиш йолчух терра[15][16].

Элегестан кӀоран меттиг комплексни кхиоран проекто цу йукъа лоцу иштта Хабаровскан махкахь кӀоран портан терминал йар а[15]. 2025—2026 шерашкахь проект йуха а йолайира дуьненайукъара транспортан коридоран кепехь. Оцу проекто лоруш ду цӀерпоштнекъ Монголехула Цийчоьне кхаччалц дӀабахар. Иза кхочушдарехь арахьара инвесторш йукъабало лаьа, ткъа проектан мах 2 трлн соьме гергга хьалабаьлла.

«Бамтоннельстрой — Мост» компанийн тоба

2015-чу шарахь Байсаровс «СК Мост» компанийн группин 25 % акциш иэцнера (2021-чу шеран октябрехь дуьйна — «Бамтоннельстрой-Мост» компанийн группа (ГК БТС-МОСТ)), ткъа 2016-чу шарахь компани йукъахь шен дакъа контрольни (56 %) бараме кхачийра[17]. ХӀинцалерачу хенахь иза «БТС-МОСТ» АО-н тергонан кхеташонан куьйгалхо ву, ткъа 2025-чу шеран майхь генеральни директор хаьржира Игорь Усольцев[18]. Компани цхьа могӀа йаккхийра инфраструктурин хьалаотторан проектан белхан тӀелацамхо йу.

2016-чу шеран декабрехь Амуран областан Благовещенскан районехь «СК Мост» компанийн группо Амур хин тӀехула Благовещенск-Хэйхэ шина некъан (двухполосная автодорога) вантови тӀай тилларан болх дӀаболийра. ТӀай тилларехь Россин вложенияш 14 миллиард сом гергга йу, ткъа Цийчоьнан — 5,2 миллиард сом. ТӀай кхочучу некъашца цхьаьна йерриг йохалла 19,9 километр йу, царех 13,4 километр Россин мехкахула чекхйолу, 6,5 километр — Цийчоьнан мехкахула. 2019-чу шеран чаккхенгахь берриге белхаш чекхбехира, ткъа 2020-чу шеран майхь Россин хьалаотторан а, хӀусам-коммуналан бахаман а министерствос тӀай лела йало официальни бакъо йелира.

2020-чу шеран йуьххьехь Компанийн группин говзанчаша Росси а, Цийчоь а (Нижнеленинское (ЕАО) — Тунцзян (КНР)) вовшахтухуш болу Амур хин тӀехулара хьалхара эчиг некъан тӀай тилларан коьрта белхаш чекхбехира. ХӀинцалерачу хенахь чекхйоккхуш йу дозанан а, таможнин а инфраструктура кхоллар[19].

«Бамтоннельстрой — Мост» компанийн группа БАМ а, Транссиб а модернизаци йаран проектан декъашхо йу. Оцу группо шолгӀа Байкальски тоннель йира, цуо оцу декъан тарош 2,5-зза алсамйохур йу. Цуо таро лур йу Малхбале-Сибиран эчиг некъан къилбаседехьа а, дерриге Малхбалехьара полигонехь а эчиг некъаца кхуьйсучу хӀумнийн барам дуккха а шорбан[20]. 2021-чу шеран июлехь Россин президенто Владимир Путинна оцу тоннелехула болам дӀаболош старт йелира[21].

2021-чу шеран декабрехь дуьйна «БТС-МОСТ» компанийн группин говзанчаш Хабаровскан мехкан Генара Малхбалехьара эчиг некъан Новый Ургал — Постышево декъа тӀехь керла Дуссе-Алиньски эчиг некъан тоннель йаран болх беш бу. Оцу тоннело БАМ-ан кхин а цхьа «готта» меттиг шорйан йезаш йу[22]. Керла тоннель лела йалоро габаритийн дозанаш дӀадохур ду, иштта оцу декъа тӀехула хӀордан порташка дӀасалела йолу хӀумнаш (грузопотокаш) дуккха а алсамйаха таро лур йу[23].

2017-чу шарахь дуьйна Компанийн группо Серби Республикехь Белград — Пачхьалкхан доза олучу шина некъан эчиг некъан реконструкци а, модернизаци а йаран гурашкахь Стара Пазова — Нови Сад декъа тӀехь боккха (2936 метр йохалла) а, жима (329 метр) а виадукаш (виадуки) хьалаоттош йу. 2020-чу шеран апрелехь хьалаотторан майданехь хиллачу Сербин президенто Александр Вучича цхьана виадуках «уггаре а хазаниг» элира, ткъа «БТС-МОСТ» компанийн группин говзанчашна профессионализм хиларна баркалла а элира, «вай кхузахь истори йукъа йаздийриг долу тӀейогӀу хан хьалаоттош ду» аьлла дӀа а хьедеш[24].

2018-чу шеран чаккхенгахь Москох кӀаьллачу мэрс хаийтира «СК Мост» компанийн группо «Окски» метро станцера «Стахановски» станце кхаччалц йолчу Некрасовски линин декъа тӀехь шина некъан тоннель (двухпутный тоннель) чекхйаьккхина хилар. Цул тӀаьхьа Компанийн группин говзанчаша «Нижегородски» станце кхаччалц кхин а цхьа шина некъан тоннель йира[25]. 2021-чу шеран декабрехь Компанийн группо чекхбаьккхира Йоккхачу гонан линин «Текстильщики» — «Печатники» — «Нагатинский затон» декъан тоннель (проходка) йаран болх[26].

2018-чу шарахь дуьйна «БТС-МОСТ» компанийн группо йаккхийра проекташ лелийна Генара Малхбалехьара эчиг некъан Сахалинан регионан эчиг некъаш 1067 миллиметр шуьйра йолчу колен тӀера йерриг машанан 1520 миллиметр шуьйра йолчу колен тӀе йахарца[27]. 2021-чу шеран декабрехь Компанийн группо чекхбаьккхира Сахалин гӀайренан тӀера йерриг эчиг некъаш Россин стандарте йахаран болх[28].

2018-чу шеран декабрехь Компанийн группо чекхбаьккхира «Сабетта» олучу арктикин хӀордан портан объекташ хьалаотторан планца болу болх. И порт «Ямал СПГ» олучу йоккхачу проектан дакъа ду. Оцу проекто лоцу шен йукъа Южно-Тамбейски меттиган бух тӀехь Ӏаламан газ шайорг йаран завод йолайар[29].

2024-чу шеран чаккхенгахь компанина пачхьалкхан контракт йеллера «Южный обход Саратова» проектан гурашкахь Волга хин тӀехула тӀай тилла. Контрактан мах 90,9 миллиард сом гергга бу, ткъа и болх 2025-чу шеран апрелехь дӀаболо кхоьллина йу план[30].

2025-чу шеран февралехь «Бамтоннельстрой-Мост» компанис «Метрогипротранс» акционерни йукъараллин акцийн коьрта дакъа иэцна, Санкт-Петербургехь метро хьалаотторан (метростроени) базарна чуйелла. Цуьнан хьалха, 2024-чу шеран июлехь, компанина 20,3 миллиард соьман мах болу «Красносельское» электродепо хьалаотторан субподряд йеллера[31][32].

2025-чу шеран 24-чу декабрехь Нохчийчохь Байсаровн йолчу хӀусамна гергахь граната а, предпринимательна кхерамаш тийсина кехат а долу пакет карийна. Шеко йолу хӀума карийна цуьнан хӀусамехь ханна вехаш хиллачу Байсаровн девзаш долчу стагана; меттиге баьхкинчу говзанчаша и хӀума кхерам боцуш йира[33].

Электронан коммерци

2016-чу шарахь Байсаровс кховдийра Китайн Alibaba компаних тера йолу йерриг къоман йохк-иэцаран майда кхолла. Бизнесхочун ойланца, оцу майдано пачхьалкхан иэцарийн (госзакупки) системин шералла (прозрачность) латто йезара, иштта кегийра а, йуккъера а предпринимательстван гӀо лаца дезара, дозанал арахьара а, Россин а йохк-иэцаран базаршка йиллина некъ (доступ) хилийтарца[34]. Иштта Байсаровс кховдийра Россин Федерацехь Visa а, MasterCard а компанешца къовса йиш йолу ахча дӀасалелоран (платёжни) система кхолла. Делахь а, Экономикин кхиаран министерствос и кховдам йухатуьйхира, Россин электронни йохк-иэцар (торговля) йолуш йолчу майданашкахь кхио йиш хиларца а, керланиш кхолла оьшуш цахиларца а иза кхетош[35].

2016-чу шарахь Байсаровс заём (ахча декхарна) йеллера PimPay олучу финтех-сервисна. Оцу сервисо интернет-туьканашна гӀо дора инвестицеш (финансирование) йахка а, логистикин операторшца ахчанан а, бухгалтерин а чот (сверка) латто а, иштта заказш дӀакхачорна терго йан а. Цул совнаха, логистикин компанешца (масала, «Россин Почтаца») претензешца а, лахарца а доьзна гӀуллакхаш лело йиш лора цо. 2016-чу шеран сентябрехь компанин коьрта долахочо Е. Черновс шен дакъа (84,55 %) Байсаровна залоган (обеспечение займа) дӀаделира. Компанин хаамашца, 2018-чу шеран августехь цуьнан гӀуллакхех пайда эцаш йара 2,5 эзар интернет-туька. Цара хӀора баттахь эцархошка 700 эзар гергга заказ дӀасалехьийтора, церан йерриг мах 3 млрд соьмах тӀех а болуш[36]. 2024-2026-чу шерашкара хьал ма-дарра, Байсаров долахойн йукъара араваьлла а ву, компанин урхаллехь дакъалоцуш а вац.

2018-чу шарахь Руслан Байсаровна «МИСиС» олучу Къоман талламан технологин университетехь техникин Ӏилманийн кандидатан Ӏилманан тӀегӀа (степень) йелла[37].

Дуьненайукъара санкцеш

2022-чу шеран июнехь Йоккхачу Британин Ӏедалхоша цунна дуьхьал персональни санкцеш йиттина. И сацам кхетош цара элира: Байсаровс Россин Федерацин Ӏедална а, цуьнан гӀуллакхашна а гӀо лацарна финансан пайденца болх бо, Россин экономикин стратегин ладаме йолчу секторашкахь куьйгаллин меттигашкахь волуш. Санкцешна кӀел вижначу Байсаровн Йоккхачу Британехь болу бахам сацийна хир бу. Иштта оцу дозанаша Йоккхачу Британе чуван цамагар а лоцу шен йукъа[38]. 2025-чу шеран 9-чу апрелехь Йоккхачу Британис кхин цхьа санкци а йиттина — Цхьаьнатоьхначу Королевствон махкахь компанишна куьйгалла (директор) дан йиш йацарца доьзна[39].

Шен дахар

Фотомодель хиллачу Татьяна Ковтунова йалийна йара. Оцу захалонехь 1993-чу шарахь Татьянас йоӀ Камилла йина[40].

1997-чу шарахь Байсаров Кристина Орбакайтеца вовшахкхетта. Шо даьлча цу шиннан кӀант Дени вина. И шиъ 2003-чу шарахь вовшахкъаьстина[41].

2009-чу шарахь 11 шо долу кӀант Дени мичхьа ваха веза бохучу гӀуллакхана шуьйра зорба туьйхира. Руслан Байсаров кхоьруш хилла, Америкин гражданинана зуда йахначу Орбакайтес бер гуттаренна а ваха Америкин Цхьаьнатоьхначу Штаташка дӀадигарна. Орбакайте, шен рогӀехь, кхоьруш хилла, кӀант Нохчийчу дӀавигарна. ТӀаьххьара а, шина а агӀоно машаран бертаца сацам бира: цуьнца Дени шен лаамца йа шен деца, йа шен ненца вехаш ву[42][43].

КхоалгӀа зуда Байсаровс «Modus Vivendis» олучу агентствон модель Алина Цевина йалийна. Оцу доьзалехь цуьнан кӀант Элман вина[40].

ЙоьалгӀа зуда Байсаровс Юли йалийна. Оцу доьзалехь цуьнан йоӀ Дали йина[40].

ПхоьалгӀа зуда Байсаровс Мадина Гайтаева йалийна. Оцу доьзалехь цуьнан кӀентий Амир а, Амин а вина[40].

Билгалдахарш

  1. ↑ Председателем Совета директоров АО «Бамтоннельстрой-Мост» избран Юрий Кравцов. btsmost.ru (2024 шеран 25 ноябрь). ТӀекхочу дата: 2026 шеран 24 март.
  2. ↑ Руслан Байсаров. Forbes.Ru. «АС Руc Медиа», АО (2019 шеран 18 апрель). ТӀекхочу дата: 2026 шеран 24 март. Архивйина 2019 шеран 3 ноябрехь
  3. ↑ Руслан Байсаров: история успеха российского бизнесмена. Argumenti.Ru. ИД «Аргументы недели», АО (2019 шеран 15 май). ТӀекхочу дата: 2026 шеран 24 март. Архивйина 2019 шеран 22 октябрехь
  4. ↑ 1 2 Шлейнов, Роман. Как устроен бизнес Руслана Байсарова. Ведомости. «Бизнес Ньюс Медиа», АО (2011 шеран 11 декабрь). ТӀекхочу дата: 2026 шеран 24 март. Архивйина 2019 шеран 13 апрелехь
  5. ↑ Байсаров Руслан Сулимович, Россия - Деловой квартал. web.archive.org. ТӀекхочу дата: 2026 шеран 24 март.
  6. ↑ 1 2 3 Руслан Байсаров — РБК: «Будем фигачить, как огромная швейная машинка». РБК. ТӀекхочу дата: 2026 шеран 24 март. Архивйина 2016 шеран 13 ноябрехь
  7. ↑ Руслан Сулимович Байсаров. ТӀекхочу дата: 2026 шеран 24 март. Архивйина 2019 шеран 13 апрелехь
  8. ↑ Биография Руслана Сулимовича Байсарова, Ридус. Дата обращения: 24 мартехь 2026.
  9. ↑ Руслан Байсаров: биография, новости, фото, дата рождения, карьера, личная жизнь. globalmsk.ru. ТӀекхочу дата: 2026 шеран 24 март.
  10. ↑ Байсаров Руслан Сулимович — Генеральный директор АО «ТЭПК», председатель совета директоров АО «УСК МОСТ» / Досье / Справка. newslab.ru. ТӀекхочу дата: 2026 шеран 24 март.
  11. ↑ "Газпром нефть" купила спорный пакет Sibir Energy. Ведомости. ТӀекхочу дата: 2026 шеран 24 март. Архивйина 2015 шеран 6 ноябрехь
  12. ↑ Руслан Байсаров: история взлета, или сделай себя сам,. Дата обращения: 24 мартехь 2026.
  13. ↑ Байсаров стал владельцем Элегестского месторождения угля. Ведомости. ТӀекхочу дата: 2026 шеран 24 март. Архивйина 2019 шеран 15 апрелехь
  14. ↑ Руслан Байсаров рассказал о планах на разработку Элегестского месторождения. argumenti.ru. ТӀекхочу дата: 2026 шеран 19 февраль.
  15. ↑ 1 2 Компания Руслана Байсарова свяжет Республику Тыва с железнодорожной сетью России. Московский комсомолец. ТӀекхочу дата: 2026 шеран 24 март. Архивйина 2019 шеран 4 апрелехь
  16. ↑ Галина Волынец. Вытянули из медвежьего угла. Известия (2018 шеран 20 апрель). ТӀекхочу дата: 2026 шеран 24 март. Архивйина 2019 шеран 15 апрелехь
  17. ↑ Руслан Байсаров. Бизнес-проекты на перспективу. Дата обращения: 24 мартехь 2026.
  18. ↑ Игорь Александрович Усольцев. Audit-IT. ТӀекхочу дата: 2026 шеран 24 март.
  19. ↑ Алексей Дахновский: РФ и КНР добились рекорда в торговле вопреки пандемии. РИА Новости (2022 шеран 10 январь). ТӀекхочу дата: 2026 шеран 24 март. Архивйина 2022 шеран 7 февралехь
  20. ↑ Завершена проходка второго Байкальского тоннеля. Президент России. ТӀекхочу дата: 2026 шеран 24 март. Архивйина 2020 шеран 19 февралехь
  21. ↑ Запуск железнодорожного движения по второму Байкальскому тоннелю. Президент России. ТӀекхочу дата: 2026 шеран 24 март. Архивйина 2021 шеран 13 августехь
  22. ↑ На хабаровском участке БАМа появится временный посёлок. www.todaykhv.ru. ТӀекхочу дата: 2026 шеран 24 март. Архивйина 2022 шеран 7 февралехь
  23. ↑ Началось строительство нового Дуссе-Алиньского тоннеля. seanews.ru (2021 шеран 22 декабрь). ТӀекхочу дата: 2026 шеран 24 март. Архивйина 2022 шеран 7 февралехь
  24. ↑ ГК СК "Мост" Руслана Байсарова строит в Сербии уникальный виадук. ПРАЙМ (2020 шеран 21 апрель). ТӀекхочу дата: 2026 шеран 24 март. Архивйина 2022 шеран 7 февралехь
  25. ↑ Построен двухпутный тоннель между станциями «Окская» и «Стахановская» Некрасовской линии метро. govoritmoskva.ru. ТӀекхочу дата: 2026 шеран 24 март. Архивйина 2020 шеран 4 апрелехь
  26. ↑ Завершена проходка тоннеля между станциями «Печатники» и «Нагатинский Затон» восточного участка БКЛ. Рамблер/новости. ТӀекхочу дата: 2026 шеран 24 март. Архивйина 2022 шеран 7 февралехь
  27. ↑ «СК МОСТ»: их проверило время. glavportal.com. ТӀекхочу дата: 2026 шеран 24 март. Архивйина 2022 шеран 6 февралехь
  28. ↑ На Сахалине полностью избавились от японской узкоколейки, ИА REGNUM. Архивировано 7 февралехь 2022 года. Дата обращения: 7 февралехь 2022.
  29. ↑ Строительство объектов арктического порта Сабетта завершено. nakanune.ru. ТӀекхочу дата: 2026 шеран 24 март. Архивйина 2019 шеран 21 апрелехь
  30. ↑ Компания Байсарова выиграла крупнейший госконтракт на строительство моста через Волгу. Ведомости (2024 шеран 4 декабрь). ТӀекхочу дата: 2026 шеран 24 март.
  31. ↑ ГК «БТС-Мост» стала обладателем контрольного пакета акций «Метрогипротранса». premierdevelopment.ru. ТӀекхочу дата: 2026 шеран 24 март.
  32. ↑ «Бамтоннельстрой-Мост» получил контракт на строительство депо «Красносельское» за 20,3 млрд рублей. Фонтанка.ру (2024 шеран 19 июль). ТӀекхочу дата: 2026 шеран 24 март.
  33. ↑ В Чечне к дому Руслана Байсарова подбросили гранату и записку с угрозами. EADaily (2025 шеран 24 декабрь). ТӀекхочу дата: 2026 шеран 24 март.
  34. ↑ Руслан Байсаров займется созданием «русской Alibaba». РБК. ТӀекхочу дата: 2026 шеран 24 март. Архивйина 2019 шеран 16 декабрехь
  35. ↑ МЭР: развивать интернет-торговлю в РФ можно через существующие площадки. ТАСС. ТӀекхочу дата: 2026 шеран 24 март. Архивйина 2019 шеран 15 апрелехь
  36. ↑ ФРИИ покроет кассовые разрывы. ТӀекхочу дата: 2026 шеран 24 март. Архивйина 2020 шеран 9 ноябрехь
  37. ↑ Обоснование параметров устойчивого развития горного производства при освоении запасов крупномасштабного Элегестского каменноугольного месторождения. ТӀекхочу дата: 2026 шеран 24 март. Архивйина 2019 шеран 13 апрелехь
  38. ↑ Великобритания ввела санкции против Владимира Потанина и Саида Гуцериева. kommersant.ru. ТӀекхочу дата: 2026 шеран 24 март. Архивйина 2022 шеран 29 июнехь
  39. ↑ Disqualified Officers: Ruslan Baisarov. gov.uk. ТӀекхочу дата: 2026 шеран 24 март.
  40. ↑ 1 2 3 4 Жены Руслана Байсарова, spletnik.ru (2020, 12 январь). Дата обращения: 19 февралехь 2026.
  41. ↑ ВЗГЛЯД / «Он избил мою дочь». ТӀекхочу дата: 2026 шеран 24 март. Архивйина 2009 шеран 22 сентябрехь
  42. ↑ Адвокат Байсарова: суд четко постановил - Дени должен жить с отцом. РИА Новости (2009 шеран 21 сентябрь). ТӀекхочу дата: 2026 шеран 24 апрель. Архивйина 2021 шеран 2 октябрехь
  43. ↑ Адвокат Орбакайте оспорит решение Грозненского суда. gazeta.ru. ТӀекхочу дата: 2026 шеран 24 март.

Кхин дӀа темана тӀехь

Категореш