Аухадов, Апти Хьамзатан воӀ
Ауха́дов Апти́ Хьамза́тан воӀ (оьрс. Апти Хамзатович Аухадов; 1992 шеран 18 ноябрь, Хьалха-Марта) — россин штанга ойу атлет а. Олимпан ловзарийн детин мидалхо (2012). Россин а, Европин а, дуьненан чемпион а, Казанера Универсиадин толамхо а. Россин спортан сийлахь говзанча[1].
Биографи
Вина 1992 шеран лахьанан беттан 18-чу дийнахь Хьалха-МартантӀехь[1]. Дешна № 5 йолчу йуккъерчу ишколехь[2].
Тренировкаш йо шен ден Аухадов Хьамзатан куьйгаллица. 14 шо долуш цо кхочушйира Российн спортан говзанча йозаллин барамехь 46 кг 72,5 + 90 гойтуш. Шен 17 шо долуш цо кхочушйира Россин дуьненайукъара спортан говзанчийн норматив, 85 кг категорехь 170 + 210 хьала а айбина.
2005 шарахь дуьйна Россин гулйина тобанан декъашхо. Европин чемпионатан 2011 детин мидалхо а, 2011 шарахь жимахойн дуьненан чемпионатехь детин мидалхо, 2010 шарахь кегийрхойн дуьненан чемпион а, 2009 шарахь Европин жимахойн чемпионатехь детин мидалхо. Юниоршна йукъахь Россин чемпион 2010 шо. 2010 шарахь Российн Кубок баьккхинарг.
2011 шарахь Казанехь хиллачу Европан чемпионатехь шолгӀа меттиг[2].
2012 шеран хьаьттан беттахь 3-чу дийнахь 2012 шарахь Лондонехь хиллачу аьхкенан Олимпиадехь детин мидал йаьккхира цо. 2013-чу шарахь Казанехь хиллачу Универсиадехь толамхо а вара иза. Иштта иза вара 2013 шарахь Тиранехь Европан чемпион а, 2013 шарахь Вроцлавехь дуьненан чемпион а[1].
2015 шеран Россин чемпион.
2016-чу шеран эсаран беттан 18-чу дийнахь ДОК-ан сацамца цуьнгара Олимпийн мидал дӀайаьккхира, цуьнан допинган анализехь дихкина хӀуманаш карор бахьана долуш. Цунна жоп луш Аухадовс дӀахьедира, ша муьтӀахь ву Олимпийн комитетан сацамна аьлла.
2019-чу шарахь Россин Кубок йаьккхинарг.
Аухадов Апти ЦСКА а, МГФСО а тобанашкахь ловзуш вара[1].
2023-чу шеран хӀутоссург баттахь допингана дуьхьал низам дохийна аьлла, цхьана шарна 6 баттана болх сацийна цо[1].
Спортан кхиамаш
Олимпийн ловзарш | ||||||
| Шо | ДӀайаьхьина меттиг |
йозаллин барам |
Рывок, кг |
Толчок, кг |
Сумма, кг |
Меттиг |
|---|---|---|---|---|---|---|
| 2012 | Лондон | 85 кг | 175 | 210 | 385 | 
|
Дуьненан чемпионаташ | ||||||
| 2013 | Вроцлав | 85 кг | 175 | 212 | 387 | 
|
| 2015 | Хьюстон | 85 кг | 168 | 212 | 380 | 
|
Европин чемпионаташ | ||||||
| 2011 | Казань | 85 кг | 173 | 212 | 385 |
|
| 2013 | Тирана | 85 кг | 173 | 215 | 388 |
|
Аьхкенан Универсиада | ||||||
| 2013 | Казань | 85 кг | 168 | 205 | 372 |
|
Российн чемпионаташ | ||||||
| 2015 | Стари Оскол | 85 кг | 170 | 210 | 380 |
|
СовгӀаташ
- Российн спортан говзанча, дуьненайукъара классан (2010)[3];
- «Даймехкан хьалха гӀуллакхаш дарна» орденан мидал 1-ра тӀегӀанера (2012 шеран хьаьттан беттахь 13-чу дийнахь) — физически оьздангаллехь а, спорт а кхиорехь доккха дакъа лацарна, 2012 шарахь лаккхара спортан кхиамаш бахарна, ХХХ Олимпийн ловзаршкахь 2012 шарахь Лондонехь (Йоккха Британи)[4];
- Российн спортан сийлахь говзанча (2012 шеран хьаьттан беттан 20-чу дийнахь)[5];
- Россин Федерацин Президентан Сийлаллин грамота (2013 шеран мангалан беттан 19-чу дийнахь) — 2013 шеран XXVII Дуьненан аьхкенан Универсиадехь Казань гӀалахь лаккхара спортан кхиамаш бахарна[6];
- 2016 шеран товбецан беттан 7-чу дийнахь цунна йелла "«Нохчийн Республикин гӀуллакхаш дарна» мидал[7];
- «Сийлахь къинхьегамна» сийлаллин билгало (2021)[8].
Доьзал
Да — Россин сийлахь тренер ву. Ден куьйгаллица Ӏамийна ву[9].
Билгалдахарш
- ↑ 1 2 3 4 5 Аухадов Апти Хамзатович. www.infosport.ru. ТӀекхочу дата: 2026 шеран 17 июнь.
- ↑ 1 2 Важно оставаться человеком. www.chechnyatoday.com (2014 шеран 27 январь). ТӀекхочу дата: 2026 шеран 17 июнь.
- ↑ Приказ Министерства спорта РФ от 16.11.2010 г. № 160-нг. Наградные приказы Министерства спорта России :: Статистика и аналитика развития спорта в России. msrfinfo.ru. ТӀекхочу дата: 2026 шеран 17 июнь.
- ↑ Указ Президента Российской Федерации от 13.08.2012 г. № 1165, Президент России. Дата обращения: 17 июнехь 2026.
- ↑ Приказ от 29.12.2012 г. № 75-нг «О присвоении почетного спортивного звания «Заслуженный тренер России»». msrfinfo.ru. ТӀекхочу дата: 2026 шеран 17 июнь.
- ↑ Распоряжение Президента Российской Федерации от 19.07.2013 № 277-рп "О поощрении". web.archive.org. ТӀекхочу дата: 2026 шеран 17 июнь.
- ↑ Аухадов Апти Хамзатович. www.sport-strana.ru. ТӀекхочу дата: 2026 шеран 17 июнь.
- ↑ Указ Главы Чеченской Республики от 25.06.2021 № 117. www.chechnya-gov.ru. ТӀекхочу дата: 2026 шеран 17 июнь.
- ↑ Апти Аухадов - чемпион мира по тяжелой атлетике! www.grozny-inform.ru (2016 шеран 26 октябрь). ТӀекхочу дата: 2026 шеран 23 июнь.
Литература
- Аслаханов С-А. М., Хизриев Х. Х. Физическая культура и спорт Чечни: истоки и современность. — М.: «Перо», 2015. — С. 92—93. — 240 с. — ISBN 978-500086-997-0.
