Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Арсанукаев, Муса Килабан воӀ

Муса Килабович Арсанукаев (оьрс. Арсанукаев, Муса Килабович; 1952 шеран 14 август, Риддер, Малхбален-Кхазакхстанан область — 2024 шеран 31 август, ДегӀаста) — советан а, россин а, йаздархо а, журналист а, Нохчийн Республикин сийлахь журналист а, Российн йаздархойн союзан декъашхо а, Нохчийчоьнан халкъан йаздархо а.

Биографи

1958-чу шарахь депортацера шен историн даймахка цӀавеара иза. Цо чекхйаьккхина Чуьйри-Эвлара юккъера школа. 1969-чу шарахь иза деша вахара Нохч-ГӀалгӀайн пачхьалкхан университетан филологин факультете. Шен дуьххьарлера дийцарш яздан волавелла иза студент волуш. Шен накъосташна йукъахь уьш евзаш хиллехь а, автора уьш шена латтийна, кхачам боллуш ца хетарна. 2009-чу шарахь берийн «СтелаӀад» журналехь зорбатоьхна цуьнан дуьххьарлера дийцар. Дебютни произведени дика рецензеш елира, цул тӀаьхьа Арсанукаевс зорба тоха волавелира республикин «Орга» а, «Вайнах» а литературни журналашкахь[1].

Даймахка цӀавирзинчул тӀаьхьа 2004-2007 шерашкахь Чуьйри-Эвлан йуьрт-да волуш болх бира цо (2009-2014 шерашкахь «Даймохк» газетан корреспондент а, «Хьехархо» газетан коьрта редакторан заместитель а. 2013-чу шарахь цунна елла Нохчийн Республикин хьакъволу журналист[1].

Соьлж-ГӀаларчу "Путь" телерадиокомпанехь[ru] журналистан болх бина цо. Нохчийн а, оьрсийн а меттанашкахь яздо цо. Берашна лерина цхьа могӀа произведенийн автор ву иза[1].

2024 шеран 31 августехь иза кхелхина Дагестанехь Сулак автомагистраль тӀехь некъан бохамехь[2].

Библиографи

нохчийн маттахь

  • Дуьненан халкъийн туьйранаш (Сказки народов мира) — в соавторстве с другими писателями-переводчиками. Москва, изд-во «Эксмо», 2004 год;
  • Бераллин гIенаш (Сны детства). Чебоксары, изд-во «Чувашия», 2016 ш.;
  • Аттйокх екачохь (Там, где поют птицы). Грозный, изд-во «Грозненский рабочий», 2017 ш.;
  • Седарчийн йоза. Повесть, рассказы, переводы, очерки. Грозный, изд-во «Грозненский рабочий», 2021 ш.

оьрсийн маттахь

  • Юный предсказатель (сборник рассказов для детей; в соавторстве с другими писателями). Чебоксары, изд-во «Чувашия», 2015 г.;
  • Литературно-географический атлас Чеченской Республики (в качестве литературного редактора и автора статей). Нальчик, изд-во «Тетраграф», 2018 г.;
  • Горсть родной земли. Повесть, рассказы, киносценарий. Махачкала, изд-во «Формат», 2022 г.

ингалсан маттахь

  • Облака из детства. Рассказы для детей. Голландия, изд-во «Аризон», 2022 ш.

голландхойн маттахь

  • Солнечные дни. Рассказы для детей. Голландия, изд-во «Аризон», 2022 ш.

СовгӀаташ

  • «Нохчийн Республикин хьалха гӀуллакх дарна» мидал (2021)[3];
  • Нохчийн Республикин халкъан йаздархо (2022)[4];
  • Нохчийн Республикин сийлахь журналист.

Иэс

2024-чу шарахь Соьлжа-ГӀаларчу Социалистически Къинхьегаман Турпалхочун Михалков Сергейн цӀарахчу республикан берийн библиотекехь «Книгомания» йешаран клубан цхьаьнакхетаран гурашкахь дӀайаьхьира «Писатель, журналист, общественный деятель» цӀе йолу дагалецаман суьйре.[5].

Билгалдахарш

  1. ↑ 1 2 3 Магадаева.
  2. ↑ Новосёлов, Роман. В Дагестане под колесами авто на Сулакской трассе погибли 2 жителя Чечни - Портал Северного Кавказа (2024, 31 август). Дата обращения: 2 сентябрехь 2024.
  3. ↑ Указ. www.chechnya.gov.ru (2021 шеран 25 апрель). ТӀекхочу дата: 2026 шеран 18 август.
  4. ↑ Указ. www.chechnya.gov.ru. ТӀекхочу дата: 2026 шеран 6 июль.
  5. ↑ Вечер памяти М.К. Арсанукаева «Писатель, журналист, общественный деятель» в рамках заседания читательского клуба «Книгомания». gburdb.ru. ТӀекхочу дата: 2026 шеран 6 июль.

Хьажоргаш

Категореш