Арсамаков, Исраил Мохьмадгирин воӀ
Исраи́л Магомедгире́евич Арсама́ков (1962 шеран 8 февраль, Соьлжа-ГӀала) — советийн штангист, 1988 шарахь Сеулехь хилла йолу Олимпиадин чемпион, ССРС Сийлахь спортан говзанча (1988).
Биографи
Вина 1962 шеран 8 февралехь Соьлжа-ГӀалахь. Соьлжа-ГӀалин хьехархойн институтан физикин оьздангаллин факультет, хьехархо. «Динамо» (Соьлжа-ГӀала) йукъахь хилла. Нохч-ГӀалгӀайчоьнан хьалхара олимпийн чемпион. 1990-гӀа шерашна йуккъехь Российн йеза атлетикин федерацин президент хилла.
ПаргӀата кепара дика леташ вара, кхин дӀа а лела валлара оцу спорте. Амма цкъа цуьнан тренера Дзгоев Асланбека тидам бира, спортхочо штанга дика ойба. Цуо иза вигира йеза атлетикин зал чу гӀараваьллачу тренеран Кодзоев ИбрахӀиман. Оцу моментера йолайелла Исраилан штангистан карьера.
Цуо дакъалацарца йаздина «Штангист Исраил Арсамаков» жайна, автор Скляренко Александр. Иза ву Кавказан а, ГӀалгӀайн а ловзарийн инициатор. 1988 шеран Сеулера Олимпийн ловзарийн чемпион йуккъера йозаллин барамера. 1986 шеран дуьненан чемпионатан детин совгӀатхо Болгарехь йуккъерачу йозаллин барамехь. 1986 шеран Европин чемпион йуккъера йозаллин барамехь.
1985, 1986, 1988 шерийн ССРС чемпион. 1982, 1983, 1987 шерийн ССРС чемпионатийн детин совгӀатхо. Дуьненан рекорд хӀоттийна рывокехь — 179 кг.
1990-гӀа шерашкахь йеза атлетикехь дуьненайукъара категорин суьдхо хилира. ХӀинца Исраил — Российн Пачдумин къаьмнийн гӀуллакхийн экспертан кхеташонан комитетан декъахо.
1993 шарахь Исраила Оксана Глушко йалийна, цуо вина виъ доьзалхо: кӀентий Берса, ИсмаьӀал, Аслан-Гири а, йоӀ Кани а.
2020 шарахь ГӀалгӀайн Республикин спортан министран гӀовс дарже хӀоттийра[1].
Кхиамаш
- 1988 шарахь Сеулехь хилла Олимпиадин чемпион (шозза айбина — 377,5 кг; рывок — 167,5 кг; толчок — 210 кг).
- 1986 шарахь Болгарехь дуьненан чемпионатан дато совгӀатхо (шозза айбина — 390 кг; рывок — 177,5 кг; толчок — 212,5 кг).
- 1986 шарахь Европин чемпион (шозза айбина — 382,5 кг; рывок — 170 кг; толчок — 212,5 кг).
- ССРС чемпион 1985 а, 1986 а, 1988 а шерашкахь.
- ССРС Кад баьккхинарг 1979 а, 1980 а шерашкахь.
- Рывок йеш ССРС чемпион 1979 шарахь — 160 кг.
- ССРС чемпион 1980 шарахь (рывок — 165, толчок — 197,5)
- Рывок йеш ССРС чемпион 1981 шарахь — 172,5 кг.
- Толчок йеш ССРС чемпион 1983 шарахь — 222,5 кг (90 кг).
- ССРС чемпионатан дато совгӀатхо 1982 а, 1983 а, 1987 а шерашкахь.
Доьзал
1993-чу шарахь цо йалийра Глушко Оксана Николаевна, цуьнца диъ бер ду цуьнан: кӀентий Берс, ИсмаьӀал, Аслан-Гирей, йоӀ Кани.
Хьажоргаш
- «Исраил Арсамаков — первый олимпийский чемпион Чечено-Ингушетии» статья на сайте «Виват Ингушетия!»(ТӀе цакхочу хьажорг)
- Повесть Александра Скляренко «Штангист Исраил Арсамаков» на сайте «Олимпийская атлетика»
- Интервью Исраила Арсамакова на сайте Viam Affectare Olympo(ТӀе цакхочу хьажорг)
- ↑ Пресс-служба Минспорта Ингушетии. Исраил Арсамаков назначен заместителем министра спорта Ингушетии. https://minsportri.ru/ (2020 шеран 24 январь). ТӀекхочу дата: 2025 шеран 23 сентябрь.
Кхин дӀа темана тӀехь
 | |
|---|---|
| Дошамаш а, энциклопедеш а |
