Алиев, Хьасан Хусаинович
Хьасан Хусаинович Алиев (1939 шеран 10 май, Шуьйта, Нохч-ГӀалгӀайн Автономин Советийн Социалистийн Республика — 2003) — советан а, россин а хелхархо а, хореограф а, дукха ерригсоюзан а, халкъашна йуккъера фестивалийн лауреат, 1957 шарахь VI дерригдуьненан кегирхойн а, студентийн а фестивалин лауреат, СССР культурин отличник (1975), РСФСР культурин сийлахь белхало (1985). Башлам ансамблин кхоллархо а, хьалхара куьйгалхо а.
Биографи
1948 шарахь Алма-Атахь Абайн цӀарахчу классикан операн а, балетан а театран хелхаран студин студент хилира. 1953-чу шарахь оццу театрца балетан хелхарча хилира иза. 1955 шарахь дуьйна цо солист болх бира шозза «ЦӀен байракх» Александровн иллин а, хелхаран а ансамблехь. 1958 шарахь СССР Моисеевн цӀарахчу пачхьалкхан академически хелхаран ансамблехь балетан хелхарча хилира.
1961 шарахь Соьлж-ГӀаларчу «Современник» эстрадан хелхаран ансамблан исбаьхьаллин куьйгалхо хӀоттийна. 1967-чу шарахь цо чекхйаьккхира Нохч-ГӀалгӀайн хьехархойн институт. 1969-чу шарахь «Башлам» цӀе йолу берийн эшарийн а, хелхаран а ансамбль кхоьллира, куьйгалла дира цо. 2003-чу шарахь Алиев Хьасан кхелхинчул тӀаьхьа цуьнан сий деш ансамблан цӀе тиллира. Цуьнан ваша, Алиев Яхьсан, ансамблан директор хӀоьттира[1].
Доьзал
Ваша — Алиев Яхсан, советан а, российн а хелхархо а, хореограф а, балетмейстер. Нохчийн Республикин халкъан артист а, Российн Федерацин Правительствон культурин декъехь преми лауреат (2015) а. Кадыровн Орденца совгӀат дина[2].
Билгалдахарш
- ↑ ABDOULAEV, Movladi Хасан Алиев - Шатой - красивое горное чеченское село(бил-боцу.). shatoy.org. ТӀекхочу дата: 2026 шеран 13 февраль.
- ↑ Яхсан Алиев продолжает дело брата - Шатой - красивое горное чеченское село. shatoy.org. ТӀекхочу дата: 2026 шеран 7 август.
Хьажоргаш
- Хасан Алиев. shatoy.org. ТӀекхочу дата: 2016 шеран 16 декабрь.