Айсханов, Салман Катин воӀ

Айсханов Салман вина 1937-чу шарахь^[1]. Оццу шарахь цуьнан воккхах волу вешина Шамсуддина, гӀараваьлла нохчийн яздархо, нохчийн литература кхоьллинчех цхьаъ, репрессеш йира^[2]. Айсхановн ворхӀ шо кхаьчначу хенахь махкахбаьхна нохчий. Айсхановс шен дахаран рогӀера кхузткъа шо Казахстанан Джамбулан областан Ойталин районерчу Мерке юьртахь даьккхира. Цигахь лакхара школа чекхъяьккхина цо 1955-чу шарахь[1].

1957-чу шарахь Нохчийчоь меттахӀоттийначул тӀаьхьа Айсханов даймахка юха а веана, Нохч-ГӀалгӀайн хьехархойн институтан филологин^[ru] факультетан къоман отделени деша вахара, иза чекхъяьккхира 1961-чу шарахь, «Ленинан некъ» газетан корреспондент болх а бина. Институт чекхъяьккхинчул тӀаьхьа Айсханов хилира Нохчийн-ГӀалгӀайн Министрийн Советан радиоэфирийн пачхьалкхан комитетан редакцин пропагандин отделан корреспондент, шен дахар чекхдаллалц цигахь болх бира цо^[1]. Цо дӀахьора юьртабахаман теманашна лерина передачаш^[1].

Школехь доьшуш волуш волавелла иза стихаш язъян. Дуьххьара цуьнан стихаш зорбане яьхна 1960-чу шерашкахь «Ленинан некъ» газета тӀехь. Цуьнан стихаш республикехь сиха евзира, цу сохьта бохург санна уьш мукъамашца хӀитто буьйлабелира. Айсхановн стихаш тӀехь даьхна иллеш лекхира Магомадов Султана а, Шамилева Жансари а, республикехь гӀарабевллачу кхечу артисташа а^[1].

Айсхановн произведенеш арайийлина «Орга» альманахехь а, районан а, республикин а газеташкахь а, къоначу яздархойн коллективан гуларшкахь а, юкъаялийна «Нохчийн поэзин антологина» а (Москва,)3^[2].