Айссати, Исмаил
Исмаил Айссати (нидерл. Ismaïl Aissati; 1988 шеран 16 август , Утрехт, Нидерландаш) — Мароккора футболист, ахтурсло, «Аланьяспор» клубан ловзархо, Марокко гулйина тобанан ловзархо.
Эйдховенехь кхиийна ву. Оцу клубан тобанехь цо хан йаькхийна 2000 шарера 2005 кхаччалц, 44 матчехь ловзуш Нидерландийн чемпионатехь, 3 гол тоьхна шозза мехкан чемпион волуш 2006 а, 2008 а шарахь. 2007 шарахь иза ловзуш вара «Твенте» клубехь кредитца. 2008-чу шарахь цо 4 шарна контракт йира амстердаман «Аяксица».
Хьалхара шераш
Исмаил Айссати вина 16 хьаьттан баттахь 1988-чу шарахь Урахта гӀалахь. Айссатин да-нана Нидерландашка деана хилла Мароккон къилбаседехьа йолчу Айт-Тузин гӀалара. Исмаилан бералла дӀайахна Утрехтан Тёйнвейк кӀоштахь. Исмаилан шен спортан карьера йолайира Утрехтера ДСО клубан футболан декъехь. ТӀаьхьо Айссати шен къоналлица гӀарайаьллачу «Элинквейк» клубе дӀавахара. Цхьана хенахь цу тайпа футболисташа шайн карьера дӀайолайира оцу клубехь, Марко ван Бастен, Гералд Ваненбург и Ибрагим Афеллай.
2000 шарахь, шена 12 шо долуш, Эйндховенера ПСВ футболан школе деша вахара Исмаил. ХӀетахь дуьйна хӀора дийнахь Утрехтера Эйндховене кхаччалц лелара иза. 2004 шарахь дуьйна Исмаил кест-кеста ловзуш вара ПСВ резерван тобанехь; хӀетахьлерачу кегийрхойн тренеро Рикардо Мониса, Айссатин ловзарх воккхавеш, ловза кийча ву аьлла ПСВ хьалхарчу тобаннехь.
Сборнехь хила карьера
Айссати масийттазза ловзуш хилла Нидерландийн кегийрхойн тобанехь. Исмаил дуьххьара кегийрхойн тобанах дӀакхийтира 2005-чу шарахь, Европан чемпионате кхачаран матчехь дакъалаца, Словенин кегийрхойн тобана дуьхьала.
Цу йукъана Айссатин хӀинца а аьтто бара ша муьлхачу къоман тобанехь ловзур ву къасто, Мароккохь йа Нидерландашкахь.2006 шарахь Европан кегийрхойн чемпионатехь Айссати Европан чемпион хилира Нидерландийн кегийрхойн тобанан декъашхо а волуш. Финалехь «цӀехо-можа» эшийра Украинин кегийрхойн тоба 3:0 гайтамца, массо матчехь дакъалоцуш вара Айссати, ткъа турнир чекхйолуш иза чемпионатан символан тобанна йукъавахара. 2008 шеран июлехь Нидерландийн Олимпан тобанан коьрта тренеро Фоппе де Хаана дӀакхайкхийра 2008-чу шарахь Пекинехь хир йолчу Олимпан ловзаршкахь дакъалоцуш йолу тобанан хӀоттам, Айсати оцу спискехь вацара, иза хьалха Пекинера Олимпиадехь дакъалаца дагахь болчу нехан хьалхарчу спискехь хиллехь а. . 2009-чу шеран бекарг баттахь Исмаила дӀахьедира, ша къоман тоба харжарх лаьцна сацам бийр бац ша 2009-чу шеран августехь бен, шен 21 шо кхаччалц аьлла.
И бахьана долуш цо хаьржира Мароккон къоман тоба, цунна дебьют йира 2011 шеран 9 эсаран баттахь 2012 шарахь Африкан къаьмнийн Кубок дӀайахьаран хьалхара матчехь Танзаница, иза чекхйелира марокканхойн цӀахь 3:1 толамца.
Клубийн статистика
| Клуб | Сезон | Чемпионат | Кубок | Суперкубок | Еврокубкаш[3] | Ерриг | |||||
|---|---|---|---|---|---|---|---|---|---|---|---|
| Ловзарш | Голаш | Ловзарш | Голаш | Ловзарш | Голаш | Ловзарш | Голаш | Ловзарш | Голаш | ||
| ПСВ | 2005/06 | 18 | 2 | 2 | 0 | 6 | 0 | 26 | 2 | ||
| 2006/07 | 10 | 1 | 2 | 0 | 1 | 0 | 5 | 0 | 18 | 1 | |
| 2007/08 | 16 | 0 | 0 | 0 | 1 | 0 | 4 | 0 | 21 | 0 | |
| Итого | 44 | 3 | 4 | 0 | 2 | 0 | 15 | 0 | 65 | 3 | |
| → Твенте | 2006/07 | 14+1[4] | 1 | 1 | 0 | 16 | 1 | ||||
| Итого | 14+1 | 1 | 1 | 0 | 16 | 1 | |||||
| Аякс | 2008/09 | 9 | 1 | 0 | 0 | 2 | 0 | 11 | 1 | ||
| 2009/10 | 14 | 3 | 2 | 2 | 2 | 0 | 18 | 5 | |||
| 2010/11 | 2 | 0 | 0 | 0 | 0 | 0 | 0 | 0 | 2 | 0 | |
| 2011/12 | 16 | 2 | 1 | 0 | 0 | 0 | 1 | 0 | 18 | 2 | |
| Итого | 41 | 6 | 3 | 2 | 0 | 0 | 5 | 0 | 49 | 8 | |
| → Витесс | 2010/11 | 29 | 4 | 3 | 2 | 32 | 6 | ||||
| Итого | 29 | 4 | 3 | 2 | 32 | 6 | |||||
| Антальяспор | 2012/13 | 31 | 3 | 7 | 2 | 38 | 5 | ||||
| 2013/14 | 2 | 0 | 0 | 0 | 2 | 0 | |||||
| Итого | 33 | 3 | 7 | 2 | 40 | 5 | |||||
| Терек | 2013/14 | 8 | 0 | 0 | 0 | 8 | 0 | ||||
| Ерриг | 8 | 0 | 0 | 0 | 8 | 0 | |||||
| Карьерехь мел тоьхнарш | 169+1 | 17 | 18 | 6 | 2 | 0 | 20 | 0 | 210 | 23 | |
(2013 шеран 10 ноябрехь хилла хьал)
Кхиамаш
ПСВ
- Нидерландий чемпион (2): 2006/07, 2007/08.
«Аякс»
- Нидерландийн чемпион ('Ӏ'): 2011/12;
- Нидерландийн Кубок йаьккхинарг ('Ӏ'): 2009/10.
Нидерландийн гулйина тоба
- Европин кегирхойн чемпионатан толамхо ('Ӏ'): 2006, 2007.
Билгалдахарш
- ↑ http://www.eurosport.fr/football/ismail-aissati_prs86370/person.shtml
- ↑ ISMAIL AISSATI // Base de Datos del Fútbol Argentino (исп.)
- ↑ УЕФА чемпионийн Лига, УЕФА Кубок, УЕФА Европин Лига
- ↑ Нидерландийн чемпионатан плей-офф ловзар
Хьажоргаш
- Профиль ПСВ сайтехь Архивйина 2008-11-05 — Wayback Machine(Нидерл.)
- Статистика Voetbal International сайтехь Архивйина 2010-08-11 — Wayback Machine(Нидерл.)