Адамов, Роман Станиславович

Футболах ловза волавелла иза шен ворхӀ шо долуш. Роман ловзуш вара Бели Калитва а, Красни Сулин а гӀаланашкахь берийн тобанашна йукъахь, цул тӀаьхьа Волгоградера «Олимпия» тобанехь Слуцкий Леонид Викторовичан куьйгаллица. 2000—2001 шерашкахь иза ловзуш вара Украинин Донецкерчу Шахтеран шолгӀачу тобанехь. Шен 18 шо долуш дебют йира Ростовн Ростсельмашан коьртачу тобанехь, цу тобанехь меттиг йаьккхира. Диъ шо даьккхина цо Российн къилбаседехь. 2004 шарахь иза «Терк» тобанехь ловзуш вара, командин уггаре а дика бомбардир хилира, 30 матчехь 9 гол тоьхна. 2005-чу шеран декабрь баттахь дуьйна иза ловзуш вара Москохахь. Шен хьалхарчу шарахь цо ловзийра 34 матч, 11 гол тоьхна; шен шолгӀачу шарахь цо ловзийра 35 матч, тоьхна 16 гол, хилира Премьер-лиган уггаре дика бомбардир («Спартакан» Павлюченко Романа санна дукха буьрка тоьхна).

2008 шеран 16 июнехь Европин чемпионат йоьдуш йолуш контракт йаздира казанан «Рубинца», трансферан мах хилира 4,5 миллион евро. «Сатурнан» дуьхьала матчехь, оцу матчехь каханхой чемпионаш хилира, гол а туьйхира, голан пас а йелира. 2009 шеран аьхка дехьавелира самарин «Крылья Советов» бегодин бакъонаш йолуш^[1]. 2010 шеран январехь дехьавелира «Ростов» бегондин бакъонаш йолуш цхьаьна шарна^[2]. 2011 шеран январехь бегонда йахйира кхин а цхьаьна шарна^[3]. 2012 шеран аьхка шина шерна куьг йаздира клубаца контрактан^[4], амма чемпионатехь(оьр.)нохч. 6 турехь цхьа буьрка а ца туьйхира, шинне агӀонна барт болуш контракт дохийра.

2012 шеран 18 сентябрехь цхьаьна шеран контракт йаздира чехин «Викторица» Пльзень(оьр.)нохч.»^[5].

2013 шеран шолгӀачу декъехь левзира йузархойн клубехь «ТПФ» Ростовн областан хьалхейаккхарехь. Таганроган зӀакардаьхнифабрикин командехь «Варзап» газетан кад(оьр.)нохч.баьккхина^[6].

2014 шеран январехь маьрша агент волуш дӀакхийтира новосибирскан «Сибирах»^[7], кхин а цхьа шо даьлча йитира иза командин алапан декхарш бахьнехь а, гӀийла ловзар а бахьнехь — 2014/15 шеран 12 матчехь цхьа гол а ца туьйхира^[8]. 2015 шеран 1 февралехь шен карьера чекхйаьккхина^[9].

2008 шеран 26 мартехь дебют йира Российн къоман гулйина командехь доттагӀаллин матчехь Румынин гулйина командин дуьхьала (0:3). 2008 шеран Европин чемпионатехь гулйина командин йукъахь борзанан совгӀатхо хилира. Дебютан матчехь Испанин гулйина командин дуьхьала (1:4) 70-гӀа минотехь хийцира Владимир Быстров, амма дагахь лаьттира аьттонза буьрка дӀайаларца^[10]. Йисина матчашкахь ара ца валийтина.

Ростов

• 2002/2003 шеран Российн Кедан финалхо.

Терк

• 2004 шеран Российн футболан хьалхара дивизионан толамхо.
• 2005 шеран Российн футболан Суперкедан финалхо.

Москва

• 2006/2007 шерашкахь Российн футболан Кедан финалхо.

Рубин

• 2008 шарахь Российн футболан чемпион
• 2008/2009 шеран Российн футболан Кедан финалхо.
• 2009 шеран Российн футболан Суперкедан финалхо.

Виктория

• 2012/2013 шеран Чехин футболан чемпион.

Российн гулйина тоба

• 2008 шарахь Европин футболан чемпионатан борзанан совгӀатхо.

• 2007 шарахь Роман Павлюченкаца Российн футболан чемпионатан тоьлла бомбардир. Цу шимма хӀораммо туьйхира 14 гол.