Адаменко, Вячеслав Михайлович
Вячеслав Михайлович Адаменко — советийн а, Россин а йеза атлетикин тренер ву. Иза Россин хьакъволу тренер ву.
Биографи
1970—1980-чу шерашкахь Соьлжа-ГӀалахь «Динамо» спорт-йукъараллехь тренер хилла иза. Цо кечвина дуккха а лакхарчу тӀегӀанера спортхой. 1990-чу шерашкахь Нохчийчохь хьал цхьаьнаэшшара цахиларна бахьана долуш, республика йита дийзира цуьнан. Иза Ставропольски махка дӀавахана. ХӀинца Будённовск гӀалахь жигара тренеран болх беш ву иза, меттигера йеза атлетикин школа кхиош ву.
ГӀарабевлла дешархой
- Балаев, Руслан — СССР-н Кубок йаьккхинарг, Европин чемпионатан совгӀатхо, 1986-чу шеран Дикачу лааман ловзарийн чемпион, дуьненайукъарчу тегӀанера СССР-н спортан мастер;
- Баматалиев, Аслан Вахаевич — Российн чемпионатийн совгӀатхо, дуьненайукъарчу тегӀанера Российн спортан мастер;
- Битиев, Ризван — 1993-чу шеран Российн чемпионатан детин совгӀатхо, Российн спортан мастер;
- Мусаев, Рамзан Хаважиевич — СССР-н а, Российн а чемпион а, совгӀатхо а, Российн Кубок йаьккхинарг, Европин чемпионатан совгӀатхо, дуьненайукъарчу тегӀанера спортан мастер;
- Эдиев, Асламбек Лечиевич — 5-за Российн чемпион, Европин а, дуьненан а чемпионатийн совгӀатхо, Российн хьакъволу спортан мастер;
- Эльмурзаев, Ибрагим — Российн йеза атлетикин чемпионатийн совгӀатхо.
Литература
- С-А. М. Аслаханов, Х. Х. Хизриев. Физическая культура и спорт Чечни: истоки и современность. — Москва: «Перо», 2015. — С. 79. — 240 с. — ISBN 978-500086-997-0.
Хьажоргаш
- Мовлади Абдулаев. Вячеслав Адаменко. Энциклопедия чеченского спорта (2001 шеран 16 январь). ТӀекхочу дата: 2015 шеран 18 март.