Адаев, Султан Ӏамин воӀ

Адаев Султан Ӏамин воӀ
Адаев Султан Ӏамин воӀ
Коьрта хаам
Вина терахь	1957 шеран 20 июль
Вина меттиг	Кызылорда, Кхазакхийн ССР, ССРС
Кхелхина терахь	2015 шеран 4 февраль (57 шо)
Кхелхина меттиг	Соьлжа-ГӀала, Нохчийн Республика, Росси
Пачхьалкх	ССРС → Росси
Говзаллаш	Музыкант, дирижёр
Пондарш	Шедаг, гитара, рояль
Жанраш	Фольклоран музыка;; Симфонин музыка.;
Коллективаш	Ансамбль «Вайнах»;; Нохчийн Республикин пачхьалкхан симфонин оркестр;; «ЖовхӀар» эшеран тоба;; ансамбль «Ловзар»;; Нохчийн халкъан пондарийн оркестр.;
СовгӀаташ

ХӀокху терминан кхин а маьӀнаш ду, хьажа Адаев.

Султа́н Ама́евич Ада́ев (1957 шеран 20 июль — 2015 шеран 4 февраль) — нохчийн музыкант, дирижёр, нохчийн халкъан пондарийн оркестран куьйгалхо, Нохчийн Республикин Халкъан артист.

Биографи

Вина депортацехь Кызылорда гӀалахь 1957 шеран 20 июлехь. Хьалха гайтина музыкин хьуьнар. Ишколехь вара хоран солист. 10 классехь накъостаца дайх-нанойх лечкъина ишколера ваьлча хелхара майдане воьдура, цигахь гитара локхура вокалан-пондарийн ансамблехь(оьр.)нохч. «Нийсархо» гӀалин оьздангаллин паркехь. Ансамблехь хилла шеш даймахка 1976 шарахь цӀа берзалца. Ишкол чекхйаьккхинчул тӀаьхьа деша хӀоьттина цӀерпоштнекъахойн оьздангаллин паркера эстрадин пхьолгӀе, цигахь хьалхарчу шарахь тодира шен гитара лакхар, ткъа шолгӀачу шарахь шедаг лакха Ӏамийра.

ЦӀа вирзинчул тӀаьхьа Соьлжа-ГӀалин музыкин доьшийле шедаган классе деша хӀоьттина. Цуьнан куьйгалхо Никитина Ольга Михайловна йара. Чекхйаьккхина Ленинградан консерватори(оьр.)нохч..

Цо болх бира Нохч-ГӀалгӀайчоьнан а, Нохчийчоьнан а дуккха а гӀарайевллачу музыкин тобанашкахь: Вайнехан пачхьалкхан хелхаран ансамблехь, «ЖовхӀар» вокалан тобанехь, Чергизбиев Зайнди куьйгаллехь йолчу халкъан инструментийн оркестрехь, Тахаев Мохьмадан куьйгаллехь йолчу «Ловзар» берийн ансамблан оркестрехь, Нохч-ГӀалгӀайн филармонин симфонин оркестрехь, иштта кхин а. 2008-чу шарахь нохчийн халкъан пондарийн оркестран директор хӀоьттира иза.

Дуккху дуьненайукъара къовсамийн лауреат хилла, масала, «Бурса-98» (Туркойчоь), «Полермо-99», йерригроссийн къовсаман «Сочи-2009».

2008 шарахь Нохчийн Республикин Президентан Баркаллин кехат делла^[1].

Билгалдахарш

↑ Распоряжение Президента Чеченской Республики от 13.11.2008 № 241-рп

Хьажоргаш

Аминат Датаева. Вся жизнь под чарующие звуки любимой музыки (бил-боцу.). Vestiyuga.nichost.ru. ТӀекхочу дата: 2025 шеран 12 октябрь.
Аминат Датаева. Оркестр чеченских народных инструментов (бил-боцу.). Чеченская государственная филармония (2012 шеран 20 март). ТӀекхочу дата: 2025 шеран 12 октябрь.
Асет Муртазалиева. Султан Адаев (бил-боцу.). Грозный без формата. ТӀекхочу дата: 2025 шеран 12 октябрь.

[1] Распоряжение Президента Чеченской Республики от 13.11.2008 № 241-рп

[1]