Авангард (футболан клуб, Сормово)

Сормовохь футболан истори йолало XX бӀешо долалуш. 1920-гӀа шераш дуьйлалуш гӀалин уггар чӀогӀа клуб яра СКС (Сормовскийн спортан клуб), ткъа цуьнан базехь кхоьллина «Металист» тоба 1924 шарахь.1937 шарахь «Судостроитель» цӀе йолу клуб ловзуш йара СССР Кубокехь, цигахь 1/64 финалехь иза эшна Москох «Спартак» тобанах 0:3 гайтамца. 1940-гӀа шерашкахь шолгӀачу декъехь иза ловзуш йара РСФСР КФК къовсамашкахь «Дзержинец» цӀарца. Тайп-тайпанчу шерашкахь «ЦӀен Сормово», «Йалта», «Къинхьегам» а олура цунах. 1954 шарахь дуьйна — «Авангард». Клуб лоруш йара Сормово гойтуш, 1928 шарахь дуьйна иза Горький гӀалин йукъа йогӀуш елахь а.

Шен историн хьалхарчу шерашкахь клуб меттигерчу физкультуран тобанийн къовсамашкахь дакъалоцуш йара. 1955 шарахь РСФСР КФК чемпионатехь дакъалаьцна, зонан турнирехь шолгӀа меттиг йаьккхина, цуьнан тренер вара Штыров Георгий Сергеевич.1956 шарахь керла тренер В. И. Жарковн куьйгаллица тобано толам баьккхира КФК-на йукъахь РСФСР чемпионатан зонан а, финалан а турнирашкахь, иштта толам баьккхира мастерийн къовсамехь дакъалаца бакъо эцаран дӀасалелачу ловзаршкахь^[1].

1957 шарахь «Авангард» дебют йира «Б» классехь мастерийн къовсамехь, цигахь зонан турнирехь 17-гӀа меттиг йаьккхира. 1957 шарахь СССР Кубокехь клуб четвертьфинале кхаьчна, лакхарчу лигехь йолу клубаш «Буревестник» (Кишинёв) а, «Спартак» (Минск) а дӀа а йохуш. Четвертьфиналехь «Авангард» эшна хинйолчу Кубок яьккхинчу Москох «Локомотив» тобанна 2:5, хьалхарчу таймехь 2:1 хьалха хиллехь а^[2]. И четвертьфинале кхачар уггаре лакхара жамӀ дара массо а Горькийн цӀарахчу клубийн исторехь СССР Кубокехь.

1958 шарахь тобанан цӀе хийцира «Горький-гӀалин команда» аьлла, ткъа 1960 шарахь «Ракета» («Красное Сормово» кеманийн заводо арахоьцучу кеманийн тайпанан сий деш). Клуб ловзуш яра «Б» классехь 1962 шо кхаччалц. Цуьнан уггаре дика жамӀ хилира 1960 шарахь, зонан турнирехь 4-гӀа меттиг а йаьккхина. Цу сезонехь клубан тренер вара Гринин Владимир Григорьевич (гӀараваьллачу футболхочун Гринин Алексейн ваша).

1963 шеран сезон йолаялале «Ракета» цхьаьнакхийтира Горькийн «Торпедо» тобанца, керлачу клубан цӀе тиллира «Волга» аьлла.

• ~1922-1924 шерашкахь — «Сормовски спортан клуб»
• ~1924 шо — «Металист»
• ~1937 — «Судостроитель»
• ~1940-гӀа шераш — «Дзержинец»
• «ЦӀен Сормово»
• «Йалта»
• «Къинхьегам»
• ~1954—1957 шерашкахь — «Авангард»
• 1958—1959 шерашкахь — «Горькийн гӀалин команда»
• 1960—1962 шерашкахь — «Ракета»

• Штыров Георгий Сергеевич (~1954—1955)
• Жарков Василий Иванович (1956—1959 шераш)
• Гринин Владимир Григорьевич (1960 шо)
• Золотухин Иван Васильевич (1962 шо)

• Хьалхара лига — 4-гӀа меттиг («Б» классан зонан турнирехь 1960 шарахь).
• СССР Кубок — четвертьфиналехь эшар (1957 шо).