Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Абрамова, Людмила Владимировна

РУВИКИ чохь изза фамили йолчу кхечу адамех лаьцна йаззамаш бу Абрамова.

Абра́мова Людми́ла Влади́мировна (1939 шеран 16 август — 2023 шеран 17 февраль) — советийн актриса а, сценарист а. Высоцкий Владимиран хилла зуда, актёрийн Высоцкий Аркадийн а, Высоцкий Никитин а нана.

Биографи

Да — «Хими» арахецараллин редактор, ненан шиъ лакхара дешар дара чекхдаьккхина: тӀом балале чекхйаьккхира МПУ механикин-математикин факультет, ткъа тӀом чекбаьлча — Кхечу мехкан меттанийн тӀеман институт. Людмила ехира деца а, ненаца а, йишица а, дененаца Любовь Борисовница квартирехь, денанна дагахь дукха, Гумилёв Николайн а, Ахматова Аннин а байташ хаара, Ахматоваца девзаш дара цуьнан денена ваша а, йиша а[2].

ЕПКИ доьшуш а йолуш, 1961 шарахь «713-гӀачо доьху охьахаийтар» кино йоккхуш вевзира Высоцкий Владимир, цуьнга мааре а йахана, цуьнан шина кӀентан — Аркадийн а, Никитин а нана хилира.

1963 шарахь чекхйаьккхира ЕПКИ (М. И. Ромман пхьалгӀа), цуьнца цхьаьна курсехь доьшуш бара Смирнов Андрей а, Кончаловский Андрей а.[2]

1960-гӀа — 1970-гӀа шерашкахь исбаьхьаллин фильмашкахь ролаш ловзийра.

1984 шарахь йаьккхира цуьнан сценарица фильм «Ло данле…».

1991 шарахь Высоцкий Владимирех дагалецамех долу «Цуьнан биографех факташ» жайна зорба туьйхира.

1990-гӀа — 2000-гӀа шерашкахь дакъалецира документалан суьрташкахь.

Пенсехь йолуш хьийхира Москохан цхьаьна лицейхь. В. Высоцкийн музей кхуллучу дирекцин исбаьхьаллин куьйгалхо болх бира[3].

2012 шарахь «Текст» арахецараллехь арабаьлла Л. В. Абрамовас йалале хьалха хӀоттийна шен уллерачу доттагӀчун Калиновская Динин кхолламийн гулам, цунна чохь дарайаздархочун кхоллараллин тӀаьхьенан дийцарш а, монопьеса а. Кхин а, Абрамова Людмилас Ӏалашъен йаздархочун архивера, Доккха Никитски тӀиера москохан жуьгтийн оьздангаллин центрехь, 2009 шарахь декоративан гӀутакхийн «Йаздархо Калиновская Дина а, цуьнан гӀутакхаш а» цӀе йолу гайтам бира.

Доьзал

  • Майра (25.07.1965 дуьйна; йитина 10.02.1970[4]) — В. С. Высоцкий (1938—1980) — театран а, кинон а актер, поэт, автор-йишлакхархо.
    • кӀант Аркадий (вина 29.11.1962) — актёр, киносценарист.
      • 5 кӀентан бер: Владимир, Наталья, Никита, Михаил, Мария.
    • кӀант Никита (вина 08.08.1964) — актёр, режиссёр, сценарист.
      • 4 кӀентан бер: Даниил, Семён, Виктор, Нина Высоцкая (йина 2013).
  • Майра (1971 дуьйна 1990-гӀа шераш кхаччалц)[5] — Овчаренко Юрий Петрович (вина 1935 шеран 3 декабрехь) — инженер-механик.[6]
    • йоӀ — Овчаренко Серафима Юрьевна (йина 1973 шеран 27 апрелехь[7]).

Фильмографи

Документалан фильмашкахь дакъалацар

  • 1989 — Суна ца деза…
  • 1998 — Дагахь латтийта, Фильм 41: Высоцкий Владимир
  • 2006 — ЦӀуй дӀа муха бахара
  • 2006 — Высоцкий Владимир
  • 2006 — Марченко Людмила
  • 2008 — Высоцкий Владимир. Со вогӀур ву шун сагатдан!
  • 2008 — Высоцкий Владимир. Со вогӀур ву шун сагатдан!
  • 2010 — Светличная Светлана. Даиман къега
  • 2011 — Высоцкий. ТӀаьххьара шо

Сценарист

Библиографи

  • Абрамова Л. В., Перевозчиков В. К. Факты его биографии: Людмила Абрамова о Владимире Высоцком. — Россия молодая, 1991. — 112 с. — 60 000 экз. — ISBN 5-86646-003-3.[8]

Билгалдахарш

  1. ↑ Умерла актриса Людмила Абрамова, бывшая жена Владимира Высоцкого (оьрс.) — 2023.
  2. ↑ 1 2 Людмила Абрамова — биография, фото, личная жизнь, новости, Владимир Высоцкий 2018 — 24СМИ
  3. ↑ Л. В. Абрамова на сайте «Личности» Архивйина 2020-04-12 — Wayback Machine
  4. ↑ Новиков В. И. Высоцкий / Научн. кон. — А. Е. Крылов и И. И. Роговой. — М.: Молодая гвардия, 2013. — С. 77, 150, 464. — 492 с. — (Жизнь замечательных людей). — ISBN 978-5-235-03554-6.
  5. ↑ Был ли Высоцкий счастлив? | ИСРАГЕО
  6. ↑ 5 любимых женщин Высоцкого. Иза Жукова, Людмила Абрамова, Марина Влади ... - Юрий Сушко - Google Книги
  7. ↑ Справочник Москвы Архивйина 2020-04-12 — Wayback Machine
  8. ↑ Книга на сайте Ozon.ru

Хьажоргаш

Категореш