«ТӀеман сийлаллин гӀала» стела (Соьлжа-ГӀала)

2015 шеран 6-чу апрелехь Россин Федерацин Президентан(оьр.)нохч. омрица, Сийлахь-Боккха Даймехкан тӀамна Соьлжа-ГӀалин бахархоша йинчу белхан а, церан майраллина а, чӀогӀаллина а, шеш ца кхоорна а гӀалина «ТӀеман сийлаллин гӀала» сийлахь цӀе йелла^[1].

Сийлахь-боккха Даймехкан тӀамна фашистийн Германи(оьр.)нохч. эшорехь советийн халкъо(оьр.)нохч. йинчу толаман Соьлжа-ГӀалас боккха хазна латторна делла гӀалина и сийлахь цӀе^[2].

2015 шеран 22-чу июнехь Москохан Кремлехь сийлахь-дезчу хьолехь дӀайелла и сийлахь цӀе йеллачу гӀалашна грамоташ йаларна лерина церемони. ХӀора ишттачу гӀалахь иэсан стела хӀоттор бехкам хиларна, 2015-чу шеран 25-чу июнехь Соьлжа-ГӀалахь схьабиллина «ТӀеман сийлаллин гӀала» мемориал.

Оцу шарахь арахийцира Соьлжа-ГӀалина «ТӀеман сийлаллин гӀала» цӀе йаларна лерина, мах 10 сом болу иэсан ахча. ШолгӀачу шарахь, оцу хиламна лерина, арахийцира поштан марка(оьр.)нохч.^[3].

«ТӀеман сийлаллин гӀала» стела Соьлжа-ГӀалин йуккъехь, мэрин гӀишлон хьалхарчу майданехь(оьр.)нохч., Исаевн ураман а, Эсамбаевн бульваран(оьр.)нохч. а вовшахкхетачохь йу.

ХӀоллам бу 13,42 метр лакха йолу, гранитах йина, постамент тӀе хӀоттийна йолу колонна. Стелин боьххьехь Россин Федерацин хӀост хӀоттийна — дешица кхоьлина ши корта болу аьрзу. Бухахь кечдина ду Россин Федерацин Президентан омрин текст тӀехь йолу плиташца а, иштта мехкан, Нохчийн Республикин а, Соьлжа-ГӀалин а геральдикин билгалонашца а^[3].

Композици йуьззина йу майданан сенашкахь хӀоттийначу диъ гранитни пилонца. Уьш кечдина ду борзанан барельефашца а, горельефашца а, цара гойту гӀалин а, цуьнан бахархойн а тӀеман историн коьрта мур а, хьалхалерачу заманан турпалаллин агӀонаш а.

ХӀолламан исбаьхьаллин кечдар кхочушдина Россин Федерацин хьакъ долу исбаьхьалча Салават Щербаковс(оьр.)нохч. дакъалоцуш. ХӀолламан цхьадолу дакъош Россин тайп-тайпанчу регионашкахь дина, тӀаьххьара вовшахтоха Соьлжа-ГӀала кхачийна^[4][5].