Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Элимбаев, Топа Хамитович

Элимбаев, Топа Хамитович (1945 шеран 4 май, Карагандан область) — советан а, россин а хелхархо а, балетмейстер а, «Зия» ансамблин кхоллархо а, куьйгалхо а, РСФСР исбаьхьаллин Сийлахь белхало (1987) а, Россин Федерацин Халкъан артист (2006) а, Нохч-ГӀалгӀайн а, ГӀебартойн-Балкхаройн а, ДегӀастанан а, Къилбаседа-ХӀирийн а, Кхарачой-Чергазийчоьн а халкъан артист а, ГӀалгӀайн халкъан артист а, дукха халкъашна йуккъера фестивалийн лауреат а, Пачхьалкхан совгӀатан лауреат, Ленинан комсомолан совгӀатан лауреат а, Иорданин а, Испанин а, Португалин а, Мозамбикан а лакхара совгӀаташ делла стаг.

Биографи

Вина 1945 шеран хӀутосург беттахь 4-чу дийнахь Кхазакхийн ССР Карагандан областехь. Ишколехь доьшуш хенахь оьхуш вара исбаьхьаллин кхолламалле. Дешна ваьлча иза вахара культпросветучилище деша. Иза вара профтехобразованин эшеран а, хелхаран а ансамблин солист. ТӀаьхьа иза хилира оцу тобанан куьйгалхо (1960—1964 шераш). Цу хенахь волавелира иза шен хелхаран хӀоттораш йан.

Цо чекхйаьккхира ГИТИСан режиссёрски а, балетмейстерски а факультет. Тоьлла студент хиларна иза вахийтира ГДР балетмейстеран а, хьехархон а болх бан. Берлинан хореографически училищехь а, йевзаш йолу Берлинан театрашкахь (Комише опер, «Штадтс опер», Фридрихштадтпаласт) цо хӀоттира шиъ цхьа акт йолу балет.

1969 шарахь Элимбаев вара «Вайнах» ансамблин куьйгалхо[1]. Цо кхоьллина программа гойтуш ансамбль йахара дукха пачхьалкхашка: Мозамбик а, Кени а, Къилба Америка а, Туркойчоь а, Сири а, Ирак а, Иордани а.

1995 шарахь тӀом болабелча иза Соьлжа-ГӀалара дӀавахара Москох. 1999 шарахь цо кхоьллира ансамбль «Зия». ХӀинца а оцу ансамблин куьйгалхо ву иза.

СовгӀаташ

  • РСФСР исбаьхьаллин Сийлахь гӀуллакххо (1987)[2];
  • Российн Федерацин Халкъан артист (2006)[3];
  • Нохч-ГӀалгӀайн АССР халкъан артист;
  • ГӀебартойн-Балкхаройн халкъан артист;
  • ДегӀастанан АССР халкъан артист;
  • Къилбаседа-ХӀирийн АССР халкъан артист;
  • Кхарачой-Чергазийчоьн АССР халкъан артист;
  • ГӀалгӀайн халкъан артист;
  • Нохч-ГӀалгӀайн АССР пачхьалкхан совгӀатан лауреат;
  • Нохч-ГӀалгӀайн АССР Ленинан комсомолан совгӀатан лауреат;
  • «Силаллийн Билгало» орден[4];
  • «Нохчийн Республикина хьалха гайтинчу гӀуллакхашна» мидал (2014)[5];
  • Россин Муфтийн Кхеташонан «Синан цхьаалла бахьана долуш» мидал;
  • Иорданин («Седа 1-ра даржан» орден) а, Испанин а, Мозамбикан а, Португалин а лакхара совгӀатийн лауреат.
  • «Нохчийн Республикан сийлахь вахархо» цӀе (2019)[6].

Доьзал

Цуьнан зуда Элимбаева Лидия Алаудиновна, «Зия» ансамблин генеральни директор а, экономист а йу. Цо чекхйаьккхира Нохчийн пачхьалкхан университетан экономически факультет 1993 шарахь.

Бераш: кӀант Туган — юрист, йоӀ Петимат — юрист, кӀента кӀант Сайд-Хьамзат (1990) — Соьлжа-ГӀалин мехк-даьттан университетан студент, кӀентан йоӀ Лейла (2007).

Билгалдахарш

  1. ↑ Чеченский государственный ансамбль танца «Вайнах», Оренбургская филармония (2020, 23 июнь). Дата обращения: 5 августехь 2026.
  2. ↑ Указ Президиума Верховного Совета РСФСР от 12 ноября 1987
  3. ↑ Указ. www.pravo.gov.ru. ТӀекхочу дата: 2026 шеран 5 август.
  4. ↑ Официальный сайт Республиканской детско-юношеской газеты "Наша Школа" по Чеченской республике - Ансамблю «Вайнах» – 80 лет! nasha-shkola.info (2019 шеран 27 сентябрь). ТӀекхочу дата: 2026 шеран 5 август.
  5. ↑ Указ Главы Чеченской Республики от 15.09.2014 № 136
  6. ↑ Указ Главы Чеченской Республики от 05.11.2019 № 154 О награждении наградами Чеченской Республики - chechnya-gov.ru. web.archive.org. ТӀекхочу дата: 2026 шеран 5 август.

Категореш