Шилов, Александр Александрович
Шилов, Александр Александрович (1974 шеран 24 март, Москох) — Российн суртдиллархо-пейзажист а, Российн исбаьхьаллин академин академик а. Россин Федерацин сийлахь суртдиллархо (2019). ДегӀастанан Республикан сийлахь
суртдиллахо (2016). Нохчийн Республикан халкъан суртдиллархо (2015).
Биографи
Вина Москохь 1974 шеран бекарг беттан 24-чу дийнахь суртдиллархойн доьзалехь. Цуьнан нана йара Фоломеева Светлана Гениевна, ткъа да вара ССРС-н халкъан суртдиллархо Шилов Александр Максович[1].
1985 шарахь дуьйна суртдиллар Ӏамийна В. И. Суриковн цӀарахчу Москох исбаьхьаллин йуккъера ишколе исбаьхьаллийн классехь.
1991-чу шарахь С. А. Герасимовн цӀарахчу Йерригроссин пачхьалкхан кинематографин институте деша хӀоьттира, иза чекхъйаьккхира хӀотторхо-дизайнеран говзаллица.
1994—1999 шерашкахь Российн Ӏилманийн Академин пачхьалкхан а, бакъонан а институтан коьртехь йолчу Академически юридикан университетехь дешна.
2005-чу шарахь В. И. Суриковн цӀарах йолу Москохан пачхьалкхан академически исбаьхьаллин институт чекхъйаьккхина суртдиллархо-исбаьхьалча говзалла карайерзош[2].
Россин исбаьхьаллин академин а, Россин художникийн кхоллараллин союзан а, суртдиллархойн дуьненайукъара федерацин а, Москох суртдиллархойн ассоциацин Дуьненайукъара исбаьхьаллин фондан а декъашхо-корреспондент ву иза[3]. 2005-чу шарахь иза тӀеийцира Москохан суртдиллархойн Союзе[4].
2006 шарахь Россин Ӏаламан Ӏилманийн академин (РӀӀА) «Гуманитаран Ӏилман а, кхоллараллин а» секцин хьехамча хӀоьттира. 2007-чу шарахь цо кхоьллина шен «А. А. Шиловн цӀарах йолу кхоллараллин мастерской». Ткъа 2009-чу шарахь «ЭкоМир» фондан вице-президент хӀоьттира иза[5].
2011 шеран хьаьттан беттан 24-чу дийнахь «Прогресс М-12М» космосан кема дожар бахьана долуш Шилов Александр Александровичан 10 сурт дагийна, цкъа а МКС-на ца кхаьчна[6]
ЦӀераш
- Россин Федерацин сийлахь суртдиллархо (2019 шеран мангалан беттан 3-чу дийнахь) — даймехкан культура а, искусство а кхиорехь дина гӀуллакхашна а, дуккха а шерашкахь беркате къахьегарна а[7]
- ДегӀастанан Республикин сийлахь суртдиллархо (2016 шеран чиллин беттан 10-чу дийнахь) — искусствон гӀуллакхашна а, дуккха а шерашкахь беркате къахьегарна а[8]
- Нохчийн Республикин халкъан художник (2015 шеран бекарг беттан 25-чу дийнахь) — исбаьхьаллин искусствехь баккхий кхиамаш бахарна, йукъаралло къобалйина исбаьхьаллин произведенеш кхолларна[9]
- Дуьненайукъарчу исбаьхьаллин фондан декъашхошна лерина Йерригроссин Попков Викторан цӀарахчу конкурсан лауреат
- «Сокольники» культурин а, паркан а зонина лерина суьртийн серий бахьана долуш «ЭкоМир» къоман Ӏаламан совгӀатан хьалхара даржан йаьккхинарг
- Россин исбаьхьаллин академин декъашхо-корреспондент
- Европан Ӏаламан Ӏилманийн академин (Ганновер) дакъа лоцуш декъашхо
СовгӀаташ
- Сийлахь Аннин орден, III-гӀа даржан, йелла Российн императоран цӀийнан куьйгалхочо (16.02.2011)
- А. Ю. Гагаринан цӀарах йолу мидал Российн космонавтикехь дина гӀуллакхаш бахьана долуш Российн космонавтикан федерацин
- Дуьненайукъарчу космосан станцехь дуьненахь дуьххьарлера шен гайтам вовшахтохарна а, дӀабахьарна а «Российн рекордсмен седа»
Белхаш
- Хьалхара ло
- БӀаьсте Сокольникехь
- Сокольникаш
- Йашар
- Дашо малх
- Гуьйренан аллея
- Ӏаьнан суьйре
- Лелар
- Ӏаьнан серло
- БӀаьстенан серло
- Гуьйре
- Самавалар
- Ӏа тӀедеана
- Бекарг бутт
- Аьхкенан суьйре
- Кхо зез
- Хи йистехь дакхаш. Сокольникаш
- Сокольникехь Ӏам
- Дакхаш седарчийн гӀалахь (Этюд)
- Пахра
- Кхо некъ
- БӀаьстенан коч
- Лирика (Ӏамор)
- Хьаьттан бутт
- Москох-хи
- Москвана гергахь цхьа хи
- Кратово. Тийна суьйре
- БӀаьсте дуьненчу йалар
- Къагар (этюд)
- Шира дакаш. Гуьйре
- Шира дакаш. Аьхке
- Маьлхан де
- Сингаттаме йоцу беш
- Лопасня хи
- Перламутран ло
- Керла мох
- Хьалхара баьццаралла
- Левитан цӀа
- КӀайдаргийн аре
- Шира дакаш. БӀаьсте
- Оьрсийн шуьйралла
- Лакхахь
Билгалдахарш
- ↑ Глава республики Ю. Евкуров передал в дар Государственному музею изобразительных искусств Ингушетии картину А. Шилова «Просторы». Официальный сайт Республики Ингушетия (2011 шеран 28 декабрь). ТӀекхочу дата: 2026 шеран 20 январь.
- ↑ К 50-летию Александра Александровича Шилова. rah.ru. ТӀекхочу дата: 2026 шеран 20 январь.
- ↑ Александр Александрович Шилов. alesha.bbok.ru. ТӀекхочу дата: 2026 шеран 20 январь.
- ↑ Шилов Александр Александрович. rah.ru. ТӀекхочу дата: 2026 шеран 20 январь.
- ↑ Художник Шилов Александр Александрович. egorovs.art. ТӀекхочу дата: 2026 шеран 20 январь.
- ↑ Картины Шилова, не долетев до МКС, сгорели(оьр.), РИА Новости (24 августехь 2011). Дата обращения: 20 январехь 2026.
- ↑ Указ Президента Российской Федерации от 03.07.2019 № 312. publication.pravo.gov.ru. ТӀекхочу дата: 2026 шеран 20 январь.
- ↑ Указ Главы Республики Дагестан от 10.02.2016 № 37. web.archive.org (2016 шеран 10 февраль). ТӀекхочу дата: 2026 шеран 20 январь.
- ↑ О присвоении почетного звания «Народный художник Чеченской Республики» А. А. Шилову. chechnya.gov.ru (2015 шеран 25 март). ТӀекхочу дата: 2026 шеран 20 январь.
Хьажоргаш
- Галерея А. А. Шилова. web.archive.org.
- «Русские художники». russkiehudozniki.blogspot.com.
- Картины, которые дарят звездам. web.archive.org.