Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Цакаев, Руслан Узудин воӀ

Цака́ев Русла́н Узуди́н воӀ (1956 шеран 24 сентябрь, Кхазакхийн Советийн Социалистийн Республика — 2003 шеран 30 апрель, Ставрополь) — россин пачхьалкхан гӀуллакххо. Юстицин лакхара хьехамча. Нохчийчоьнан чоьхьарчу гӀуллакхийн министраллин куьйгалхо, инарла-майор[1], Нохчийн Республикин сийлахь юрист[2].

Биографи

1956-чу шеран товбецан беттан 24-чу дийнахь Казахски ССР-хь вина[2].

Дикачу балхаца чекхйаьккхина МПУ-н юридически факультет, юрист-бакъонашйовзархо[3].

1982-чу шарахь дуьйна Нохч-ГӀалгӀайн АССР-н прокуратурехь болх бина.

1990-чу шарахь иза хаьржира Нохч-ГӀалгӀайчоьнан 9-чу кхайкхаман Лакхарчу Кхеташонан депутат[4].

Инарла Дудаев Ӏедале веанчул тӀаьхьа иза оппозицин лидерех цхьаъ вара[5].

1995-чу шеран гӀуран баттахь хьалхара нохчийн кампани йоьдуш иза хӀоттийра низамехь йоцчу герзашца йолчу формацешкахь дакъалоцучарна бакъонан гарантеш луш йолчу комиссин председателан гӀовс[3].

1995—1996 шерашкахь иза вара Нохчийчоьнан Кхерамазаллин Кхеташонан секретарь[3].

1997—2000 шерашкахь Россин Федерацин Инарла прокуратурин чоьхьарчу гӀуллакхийн ведомствошна тӀехь терго латторан лакхара прокурор; 2000 шеран хӀутосург беттара дуьйна 2002 шеран гӀуран батте кхаччалц иза вара Россин Федерацин Инарла прокуратурин политикин репрессеш лайначарна реабилитаци йарна декъехь лакхара прокурор[6][1][7].

2002 шеран гӀуран беттара 2003 шеран оханан батте кхаччалц Нохчийчоьнан чоьхьарчу гӀуллакхийн министраллин куьйгалхо вара.

Цуьнан куьйгаллица республикин ницкъаллин структурийн аьтто белира март баттахь Нохчийчоьнан конституци тӀеэцар хьокъехь дӀайаьхьначу референдумехь къепе а, кхерамзалла а латто.

2003-чу шеран оханан беттан 15-чу дийнахь Цакаевс, доьзалан хьелаш бахьанехь, Москвахь гӀуллакх дан дехар а дина, ар дӀайалайелира. 2003-чу шеран оханан беттан 7-чу дийнахь Грызлов Бориса хаам бира, и дехар кхочушдийр ду а, Нохчийн Республикин чоьхьарчу гӀуллакхийн министр керла хӀоттийр ву а аьлла[1].

Инфаркт бахьана долуш велла иза, Соьлжа-ГӀалин кӀоштарчу ЧӀаьнта-йуьртахь дӀавоьллина.

СовгӀаташ

  • Нохчийн Республикин сийлахь юрист.[2].

Билгалдахарш

  1. ↑ 1 2 3 Бывший министр внутренних дел Чечни Руслан Цакаев будет переведён на службу в Москву по семейным обстоятельствам. РИА Новости. Медиагруппа «Россия сегодня» (2003 шеран 7 апрель). ТӀекхочу дата: 2026 шеран 20 август.
  2. ↑ 1 2 3 Назначены глава МВД Чечни и прокурор республики, РИА Новости (20021217T0230). Дата обращения: 20 августехь 2026.
  3. ↑ 1 2 3 Чеченскую милицию возглавил московский прокурор, Коммерсантъ (2002, 17 декабрь). Дата обращения: 20 августехь 2026.
  4. ↑ Для служебного пользования. Список народных депутатов Чечено-Ингушской АССР девятого созыва, народных депутатов СССР и РСФСР двенадцатого созыва от Чечено-Ингушской АССР. — Гр.: Книга, 1990. — С. 79. — 192 с.
  5. ↑ Цакаев Руслан в новостях и прессе . web.archive.org. ТӀекхочу дата: 2026 шеран 20 август.
  6. ↑ Смерть после отставки (2003, 6 май). Дата обращения: 20 августехь 2026.
  7. ↑ Цакаев Руслан в новостях и прессе — 51119. web.archive.org. ТӀекхочу дата: 2026 шеран 20 август.

Литература

  • Список народных депутатов Чечено-Ингушской АССР девятого созыва, народных депутатов СССР и РСФСР двенадцатого созыва от Чечено-Ингушской АССР. — Грозный: Книга, 1990. — 192 с.
Хьалха хилларг:
Пешхоев Сайд-Селим 		Нохчийчоьнан Чоьхьарчу гӀуллакхин министр
2002—2003 		Когаметтаниг:
Алханов Ӏалу

Категореш