Хингалш

Хингалш
Схьадаьлла мохк
Пачхьалкх	Росси
Медиафайлаш РУВИКИ.Медиа чохь

Хингалш (хингалаш) — нохчийн къоман кхача, дуткъа ахьаран йа кӀен хьокхамаш, йукъа гӀабакх а йоьллина, налха, йа даьтта хьаькхна, дакъошка декъна[2].

Дийцар

Хингалш тера ду кальцоне олучу италхойн кхачанах, кхача кечбан лелош хуьлу бод, йуккъе хьакха кхехкийна гӀабакхийн худар, цунна кегийра хадийна хох а туху. Дама иэдо жимма йохйиначу йеттина шураца, туьха а тосий; бод содица хьакхабо, цхьатерра кӀеда хилийта. ГӀабакх, хӀушх цӀан а йой, дакъошка йоькъу, цул тӀаьхьа йай чу йуьллу, чкъуьйриг тӀехула а йолуш, довха хи а дутий, жима цӀарна тӀехь кхехкайо, дикка негӀар дӀа а къовлий. ТӀаьхьа гӀабакхна чуьра кӀедалла схьа а йоккхий, цунна тӀе нехча, кхерзина хох, туьха, чам беш шекар а туху. Ингредиеташ иэйо. Бод хьокхамашка а боькъий, карчабо. Цхьана агӀор иэйинарг йуьллу, тӀаккха шолгӀа даккъа тӀе а дуьллий, вовшахтосу. Хьокхамаш пешана чохь дотту.

Кечдина хингалш сихха довха хи чу а Ӏуттий, тӀе хьелийн детта хьокху. Охьадахкале царех кегийра дакъош до, жимачу кедахь хьелийн даьтта а дуьллу улле.

Суьрташ

• 
• 

Билгалдахарш

Литература

• Мациев А. Г. Чеченско-русский словарь
• «Чеченцы: история и современность» / Составление и общая редакция Ю.А. Айдаева. — Москва: Мир дому твоему, 1996. — 352 с.
• Антология. «Чеченская Республика и чеченцы. История и современность». — Москва: Наука, 2006. — 576 с. — ISBN 5-02-034016-2.