Солнцев, Евгений Александрович
Со́лнцев Евге́ний Алекса́ндрович (1980 шеран 28 сентябрь, Воронеж) — российн хьуьнарча а, политикин гӀуллакххо а. Донецкан Халкъан Республикин правительствон председатель 2023 шеран 30 мартехь дуьйна.
Биографи
Солнцев Евгений Александрович вина 1980 шарахь Воронежехь[1]. 2002 шарахь чекхйаьккхина Воронежан пачхьалкхан архитектурин-гӀишлошйаран институт говзаллица «промышленни а, гражданийн а гӀишлошйар», 2010 шарахь — Москохан пачхьалкхан гӀишлошйаран университетан аспирантура[1][2].
2010 шарахь МПГӀУ диссертаци даьккхира теманца «Методические основы территориально-пространственного развития объектов олимпийских поселений (на примере транспортной инфраструктуры олимпийских объектов Сочи)», йелира техникин Ӏилманийн кандидат[1].
Институт чекхйаьккхинчул тӀаьхьа пхьар а, прораб а болх бина цо. 2004 шеран 2 февралера 2006 шеран 16 июль кхаччалц — «Желдортрестан» гӀишлошйаран-монтажни трестан (Российн цӀерпоштнекъан ОАО филиал) куьйгалхочун гӀовс, цул тӀаьхьа куьйгалхочун гӀовс (20 февралера дуьйна). 2006 шеран 18 июлера 2007 шеран 27 август кхаччалц — ОАО «Росжельдорстрой» проектийн урхаллин кепаш кхочушйаран леррина бюрон № 2 йолчу МУП-хь проектийн урхаллин куьйгалхо. 2007 шеран 28 августехь иза хӀоттийра гӀишлошйаран куьйгалхочун гӀовс — «Спецмостотрестан» («Росжельдорстройн филиал») гӀишлошйаран декъан куьйгалхо. 2008 шеран 6 февралера 17 июль кхаччалц — ОАО «Росжельдорстрой» производствон-техникин декъан куьйгалхо[1][2].
2008 шеран 21 июлера 2014 шеран 30 июнь кхаччалц — Къилба Россин Ӏаьржа хӀордан бердаца аьчканекъан транспортан объекташ йарна клиентийн сервисан куьйгалхо. 2014-чу шеран июль беттан 1-чу дийнахь Солнцевс дӀалаьцна Российн цӀерпоштнекъан дирекцин аьчканекъан транспортан объекташ йеш йолчу Иркутскан клиентийн тобанан куьйгалхочун дарж. 2015-чу шеран 21-чу сентябрехь дуьйна 2016-чу шеран 31-чу шеран июль беттан 31-чу дийне кхаччалц болх бира Россин цӀерпоштнекъан аьчканекъаш массо а агӀор меттахӀитторан а, цӀерпоштнекъан транспортан объекташ йаран а дирекцин куьйгалхочун гӀовсан даржехь (Байкал-Амурийн магистраль кхиорна)[1][2].
2016 шеран 1 сентябрехь дуьйна[2] вара цӀерпоштнекъан транспортан объекташ йаран, цӀерпоштнекъ комплексан тобаран дирекцин хьаькам. ТӀаьхьа болх бира РФ гӀишлошйаран а, гӀишлойн-коммуналан бахаман а министран гӀоьнча[1].
2022 шеран 8 июнехь Солнцев Евгений хӀоттийра Донецкан Халкъан Республикин Правительствон председателан Хоценко Виталийн гӀовс. Июль беттан 11-чу дийнахь цо дӀалаьцна ДХР-н Ӏедалан куьйгалхочун хьалхарчу гӀовсан дарж. Мохк кхиоран а, хӀусамийн политикин а, гӀишлошйаран а, хӀусамийн-коммунальни бахаман а, регионан транспортан а, кхин долчу хӀуманашна а тӀехь терго латтош вара.
2025 шеран 15 сентябрехь дӀакхайкхийра Солнцев Евгенийс толам баьккхина Оренбурган кӀоштахь хенал хьалха губернаторан харжамашкахь, 83,85% кхаьжнаш а гулдина. Оренбурган областан губернаторан дарж дӀалаьцна цо 2025 шеран 17 сентябрехь.
Доьзал
Солнцев Евгений 2010-чу шарахь дуьйна Ӏаш ву шен хӀусамненаца Татьяница. Церан кхо бер ду[3].
Санкцеш
Евроберто а, Йоккха Британино а, Канадо а, Швейцарино а, Японино а, Керлачу Зеландино а санкцеш кхайкхийна цунна.
СовгӀаташ
- ОАО «РЦӀПН» сийлаллин грамота (2010 шеран 2 апрелехь);
- ОАО «РЦӀПН» президентан баркалалла (2011 шеран 28 июнехь);
- ОАО «РЦӀПН» президентан цӀе тоьхна сахьт (2012 шеран 13 февралехь);
- «ОАО „РЦӀПН“ сийлахь цӀерпоштнекъахо» седа (2014 шеран 27 февралехь);
- ЦӀе тоьхна герз — эпсаран кортик (2014 шеран 26 майхь);
Билгалдахарш
- ↑ 1 2 3 4 5 6 Что известно о главе правительства ДНР Евгении Солнцеве. ТАСС (2023 шеран 30 март). ТӀекхочу дата: 2023 шеран 21 апрель.
- ↑ 1 2 3 4 Солнцев Евгений Александрович. Воронежский государственный технический университет. ТӀекхочу дата: 2023 шеран 21 апрель.
- ↑ правды», Евгения Богданова | Сайт «Комсомольской. «Самое ценное в этой жизни у меня уже есть»: врио губернатора Оренбуржья Евгений Солнцев показал семейное фото(оьр.), orenburg.kp.ru - Сайт «Комсомольской правды» (8 июлехь 2025). Дата обращения: 22 январехь 2026.