Нахар

Нохчийн накхаран ахчанан кехаташна зорба тохале Нохчийн Республикано Ичкерин 1993 шеран реформа къобал ца йира, лелайора 1961—1992 шерашкахь хилла советан рублан ахчанан кехаташ, иштта 1992 шеран 5000 а, 10 эзар а ахчанан оьрсийн кепан ахчанаш.

1993-чу шарахь Нохчийн Республикан Ичкерин Къоман банкан куьйгалхочо Имаев Ӏусмана Касимовича кехат дахьийтира Францин «François-Charles Obertür» типографе, Нохчийчоьнна ахчанан кехаташ зорба тохарехь а, арахецарехь а гӀо дар доьхуш. Францин компани гӀоьртира НРИ-н Ӏедалца контракт ян. Эххар а контракт йан а ца йира, 1994 шо кхачале «Обертур» компаница цхьаьнаболхбар сацийра.

1994 шарахь Йоккхачу Британехь зорбане яьхна 1, 3, 5, 10, 20, 50, 100, 500, 1000 нахарийн номиналан кехаташ^[2], амма альтернативни хаамаш бу, кехаташ зорбане даьхна Германехь, Мюнхен олучу гӀалахь^[3].

Амма и ахча юкъа ца делира, массо а бохург санна зорбане яьхна ахчанан кехат, цхьана хьостаца, Соьлжа-ГӀалин еш оьрсийн федералан эскарша хӀаллакйира^[2] , вукху версица уьш Ӏалашйо Мюнхенехь^[3].

Банкноташна зорба тоьхнера 1, 3, 5, 10, 20, 50, 100, 500, 1000 нахарийн номиналашца.

ХӀора кехатан шина а агӀор лакхахь йоза ду «Нохчийн Республиикин Банкан ахча», бухахь номиналан барта билгалдаккхар ду: цхьаъ, кхоъ, пхиъ накхар я цхьаъ, шиъ, пхи туьма и.дӀ.кх.а.

1, 3, 5 нахартийн номиналашкахь долчу ахчанан кехаташна тӀехь, лакхарчу аьтту агӀор йоза ду: Дала динарг хир ду, лахарчу аьтту агӀор — серийн ахчанан ялх, доккха элп а долуш, цунна тӀехьа ворхӀ терахь а долуш.

ХӀора кехатан хьалхарчу агӀон тӀехь Нохчийчоьнан экономикан а, финансийн а министран Абубакаров Таймазан (аьтту агӀор) а, Нохчийчоьнан Къоман банкан председателан Увайсаев Нажмудинан а (аьрру агӀор) куьг яздина ду.