Исакъан хилоттийла
Исакъан хилоттийла лаьтта Луганскан Халкъан Республикехь, 6-9 километр гена Алчевск гӀалин. Хин чухоам — 0,025 км³[1]. Хилоттийлин майда — 3,7 км². ХӀордан тӀегӀанал локхалла — 110 м.
Истори
Хилоттийла йина 1954 шарахь Ворошиловн кӀоштахь Бели эрк тӀаьхь Ворошиловн цӀарах металлургин заводан техникин хин хьашташ кхочуш дархьама.
ТӀаьхьо, 1960-гӀа шерашкахь дуьйна, цунна гуонаха (алсама малхбузе берд тӀаьхь, Малоконстантиновкин кӀоштахь) кхоллайала йуьйлира садоӀу зона Коммунарск гӀалин преприятийн урамашца а, аьхкенан садоӀу базанашца, дачанийн йукъараллин дакъош тӀаьхь бошмийн гӀишлошца, спортан клубийн гӀишлош, ишколахойн садаӀаран лагершца.
Талламхоша билгалдоккху, гергарчу шерашкахь хилоттийла лекъара йу бохуш, нагахь хи таттар «Романовски» шатера карла ца даккхахь. ТӀаккха болх соцур бу Алчевскан металлургин комбинатан (АМК), хӀуда аьлча кхечу металлургин заводех къаьсташ, уьш йина даккхий эркашна йа хӀордашна тӀаьхь, АМК йиллина бай-аренан зонехь Исакъан хилоттийлин уллехь. 2021 шарахь хасбошмаш лелочаьрга хаам бина, бошмашна тоха хи тоьар дац аьлла[2].
Сурт хӀоттор
Хилоттийлин гуонахьара латта дерриг дачанийн йукъараллаш гӀишлош йина, уьш кхоьллина ССРС заманахь. Санатореш хилларш схьаэцна бизнесменаш. Кхин а хилоттийлин уллехь (малхбузен бердан тӀахь) лаьтта Троицки. Хичохь лийча ца магадо санстанцис, цуо хӀора шарахь дӀахьедо санитарин норманаш совйовларна (амма цуо новкъарло ца йо меттигерачу бахархошна). Иза доьзна ду дукха хи чу бехден хӀуманаш кхийсарца, шовданашна хин ача йилларца, хи цӀандаран белхаш ца бо дера.
СадаӀар
Хилоттийлин уллера дачин дакъош — алчевскхой садаӀаран меттиг. Ӏам чохь деха чӀерий: къорзбугӀа, дерачӀара, уклейка, карпийн тайпана чӀерий. Бердйистера коргаллаш хуьлу 2-3 метр, цхьаццахьа 9 метр.
Билгалдахарш
- ↑ Тимофеенко Елена Евгеньевна. Обзор водных ресурсов Луганщины // Наука, техника и образование. — 2018. — № 5 (46).
- ↑ Феофанов Андрей Николаевич. ГЕОЭКОЛОГИЧЕСКИЕ АСПЕКТЫ УГЛЕПОРОДНОЙ ДОБЫЧИ В ДОНБАССЕ // Природные системы и ресурсы. — 2021. — № 4.