Исаев, Мансур Мустафаевич
Мансу́р Мустафа́евич Иса́ев (1986 шеран 23 сентябрь, Кизилюрт, ДегӀастанан АССР) — российн дзюдоист, Российн Сийлахь спортан говзанча, 2012 шеран Олимпиадан чемпион.
Биографи
Мансуран 8 шо кхачча иза волавелира дзюдо Ӏамадан. Цуьнан хьалхара тренер вара Джабраил Магомедов. 2006 шарахь цуьнан керла тренер хилира Александр Миллер.
Александр Миллеран цхьана турнирехь Мансур Исаев леташ гира. Цунна лиира Мансур Ӏамаван[2]. Иза лерина Кизилюрте вахара цуьнан деца-ненаца дерг дӀадерзадан[3]. Миллерс Исаев шеца Челябинске дӀавигира. Челябинскехь Исаеван йелира квартира а, алап а, цунна къийсамашка ваха ахча а лора.
2009 шарахь Исаевс чекхйаьккхира Дагестанан пачхьалкхан университет.
Исаев дакъа лецира кхаа дуьненан чемпионатехь — 2009, 2010, 2011 шерашкахь. 2009 шарахь Роттердамехь Мансурс борзан мидал йаьккхира[4]. 2012 шарахь Европин чемпионатехь Исаевс йаьккхира 7-гӀа меттиг.
2012 шарахь Лондонехь хилла Олимпиадехь Мансур Исаевс йаьккхира деши мидал финалехь Рики Накая цӀе йолу японхо эша а вина. 2017 шарахь цо спорт йитира.
Йукъараллин а, политикин а гӀуллакхаш
2017 шеран 7 декабрехь дуьйна «Цхьааллин Росси» партин декъашхо ву.
СовгӀаташ
- ДоттагӀаллин орден (2012 шеран 13 август) — физически культура а, спорт а кхиорехь доккха дакъа лацарна, 2012 шарахь Лондонехь (Британи) хиллачу XXX Олимпан ловзаршкахь спортан дика кхиамаш бахарна.
- Российн спортан сийлахь мастер (2012 шеран 20 август)
Доьзал
Да-нана: Мустафа Исаев (жӀайхо) и Асият Исаева (гӀумки).
Билгалдахарш
- ↑ JudoInside.com (инг.) — 2002.
- ↑ Победитель Олимпиады дзюдоист Мансур Исаев подарил отцу «Мерседес»
- ↑ Дзюдоист Исаев: Миллер пришел к родителям и сказал, что забирает меня
- ↑ Исаев принёс России первую медаль чемпионата мира по дзюдо. Чемпионат.com. ТӀекхочу дата: 2012 шеран 30 июль. Архивйина 2012 шеран 7 октябрехь
Хьажоргаш
- Мансур Исаев — олимпийн статистика сайт тӀехь Sports-Reference.com(ингалс.)
- Мансур Исаев — judoinside.com сайтехь профиль (ингал.)
- Мансур Исаев — Официальное сообщество ВКонтакте. Ру
- Мансур Исаев: «Олимпийский чемпион принадлежит народу», Дмитрий Шнякин, eurosport.ru
- Профиль на сайте London 2012(ингалс.)
- От борьбы телом к борьбе головой
Кхин дӀа темана тӀехь
 | |
|---|---|
| Дошамаш а, энциклопедеш а |
