Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Жижиг-галнаш

Жижиг-галнаш — нохчийн къоман кхача бу, котаман жижигах, даьӀахк тӀера бежни жижигах, йа наггахь уьстагӀийн жижигах кечбеш болу. Жижиг даккхийчу дакъошка а доькъий, кхехкадо, туьха а тухуш[1] Цул тӀаьхьа бод кечбо кӀен, йа ахьаран демах. Хинкал олучу даарх тера ду.[2]

Описани

Жижиг кхехко деза. Галнашна бод кечбо, йуха иза цхьа горгачу кепехь карчош хуьлу, тӀаккха дуткъа-деха дакъош до. КӀен демах лахьорчийн кепехь карчайо галнаш, ткъа ахьаран демах тӀапа-горга йо. Цул тӀаьхьа уьш жимма дуьрачу хи чу а кхуьссий, кхехкайо[3].

Кхач бовх болш буьллу шуьне, шеца кхихкина жижига, жимачу кедахь саьрамсекхан берам а болуш. Галнашна тӀехул дуьл жижг[1][2]. Галнаш а, жижиг а берамна чу Ӏутту, тӀе чорпа а молу[2]. Жижиг-галнашна юхе тӀуо-берам а буьл[3].

Билгалдахарш

  1. ↑ 1 2 «Чеченцы: история и современность» / Составление и общая редакция Ю. А. Айдаева. — Москва: Мир дому твоему, 1996.
  2. ↑ 1 2 3 Aliroyev&Sajdullajev, 1999, p. 38.
  3. ↑ 1 2 Хаджиева, 2020, p. 169.

Литература

  • «Чеченцы: история и современность» / Составление и общая редакция Ю.А. Айдаева. — Москва: Мир дому твоему, 1996. — 352 с.
  • Ибрагим Алироев, Малик Сайдуллаев. Чеченцы. Кто они?. — Москва, 1999.
  • Зарема Хаджиева. Восток – дело вкусное!. — ЛитРес, 2020. — ISBN 978-5-04-193607-5.

Категореш