ГӀезажижиг
| ГӀезажижиг | |
|---|---|
 КӀур биллина гӀезаш | |
| Компоненташ | |
| Коьрта | ГӀезажжижиг |
| Хила мега | белок, даьтта |
| Дааран мехалла | |
| Калорийлла: | 100 г. 620 ккал |
 Медиафайлаш РУВИКИ.Медиа чохь | |
_(kielbasa_z_gesi)_(1).jpg)
ГӀезажижиг — таьӀна жижиг, месаш йолу ижун жижиг, масала, бедийн а, кхокхарчийн а. Иза чӀогӀа кхачаме йу, цу чохь белокаш а, даьттанаш а ду. Уггаре а йестина а, калори йолуш а йу кхаьрзина гӀаз, цуьнан 100 г йукъахь 620 ккал йу. ГӀезажижиг, дукхаха дерг кхаьрзина, даа ца магадо дилхалахь болчу нахана.
Сурсатан истори а, географи а
Цхьана хенахь лаьтта тӀехь гӀезийн акха тайпанаш бен ца хилла, амма вуно сиха уьш карайерзийна. Иза хилла гергарчу хьесапехь 3 эзар шо хьалха: цу олхазарех лаьцна хьажоргаш каро йиш йу библин, шира Цийн а, Руман а тептаршкахь. Цу кепара, массо а олхазарийн жижиган тайпанех, адамо уггаре а хьалха чам баьккхина гӀезажижиган. ХӀинцалера цӀахь кхобу гӀезаш шен цӀахь кхобучу дайх терра йу ала мегар ду.
Дуьххьара кхачанна гӀезаш кхиош хилла лору мисархоша, цул тӀаьхьа баьхкина шира румхой а, немцой а. И олхазарш Элладехь а девзаш хилла, амма желтошна уьш деза олхазарш хилла, цӀахь кхобуш долу дийнаташ санна лелош хилла. Амма и хьежамаш цхьана декъехь ларбелла Ширачу Румехь, цигахь къаьсттина лоруш хилла гӀезаш, Юнонна лерина, цуьнан йерда чохь латтош (оцу олхазарш, дийцарехь, шайн гӀовгӀанца кӀелхьара йаьккхина Рум цӀеххьана галлаш тӀелатарх).
ТӀаьхь-тӀаьхьа гӀезаш кхио йолийра практически йерриг а Европин махкахь, тайп-тайпана гӀезаш кхиоран курс дӀайаьхьира, олхазарийн барам алсамбоккхуш, церан ницкъ лакхабоккхуш, репродукци ойбуш, жижиган чам тобеш. Карарчу хенахь промышленни масштабехь кӀорнеш лелоран декъехь хьалхара йу АЦШ, Йоккха Британи, цхьайолу Йуккъера Европин пачхьалкхаш. Ткъа, масала, Францехь, гӀезаш а лелайо, церан мехала, Ӏаламат могушалла ларйеш, доӀах чам болуш хиларна, цунах кечйо шатайпа чам болу – фуа-гра. Дукха кулинарин ламасташкахь йеттина гӀаз лоруш йу Керла шоӀКерла шеран йа Рождествон кхача. Иштта леладо таллар магош долчу акхачу олхазарийн жижиг а.
Кулинарехь лелор
Ламастан кепара гӀаз лелайо коьрта кхачанаш кечбеш, цуьнан жижиг лело мегар ду чорпанаш йеш. ГӀеза дукхахьолахь йерриг чалх йотту йа кхорзу. Нагахь санна аьхьана жижиг делахь, далманаш, курзанаш йан лур йу. ГӀезажижигца кечдо пилу, дуккха а салаташ, рагу, кхин а даарш.
Дукха классикин рецепташ ду олхазаран жижиг кечдеш. Уггаре девзаш дерг царех — гӀаз Ӏежашца: оцу стоьмашца йолу мусталло, дика тобо гӀезажижиган чам.
ГӀезажижиган калорийлла
ГӀезан буьйда жижиган калорийлла — 100 г. йукъахь 161 ккал. Калорийлла кхехкийна гӀезан — 100 г сурсат йукъахь 447 ккал.