Герлиц, Ирина Яковлевна

1966 шеран оханан (апрель) 29-чу дийнахь Казахийн ССР-н Павлодарски областан Актогайн кӀоштан Краснокутск (хӀинца — Актогай) йуртахь йина^[9][7]. 11 шо долуш Павлодарехь баскетболехь волавелира, цуьнан тренер вара Валерий Дмитриевич Тарасов^[10][9].

«Университет» (Алма-Ата) командин йукъахь левзира, цуьнан тренер вара Константин Петрович Миловидов^[10]. Локхалла — 192 см^[9].

1985 шарахь ССРС-н гулйинчу командин хӀоттамехь юниорашна йукъахь дуьненан чемпионка хилира^[9]. 1986 шарахь ССРС-н баккхийчеран гулйинчу командин йукъа а йаьккхина, дуьненан чемпионатийн детин мидал йаьккхира^[7][11].

1988 шеран Олимпан ловзаршкахь Сеулехь ССРС-н гулйинчу командин хӀоттамехь борзан совгӀатхо хилира^[8]. 1889 шарахь Европин чемпионкин титул йаьккхира^[11][7].

1992 шеран Олимпан ловзаршкахь Барселонехь Йукъарчу командин хӀоттамехь дешин мидал йаьккхина^[8].

Ловзарш чекхдевлча Испани дӀайахара, цигахь Мадридан а, Овьедон а командийн йукъахь левзира (1992–1995)^[11][7].

1995 шарахь французийн «Бордо» клубе дехьайелира, цуьнца 1999 шаре кхаччалц левзира, цул тӀаьхьа цхьана сезонехь «Реймсехь» дӀадаьхьира (1999–2000), тӀаккха йухайеира «Бордо» (2000–2002)^[7][11].

2002 шарахь спортан карьера чекхйаьккхира. 2009 шарахь дуьйна Бордехь Ӏаш йу, берашна тренер йу^[7].

• Олимпан чемпионка (1992, Барселона);
• Олимпан ловзарийн борзан совгӀатхо (1988, Сеул);
• Дуьненан чемпионатийн детин совгӀатхо (1986);
• Европин чемпионка (1987, 1989)^[11];
• Дикачу лаамийн ловзарийн детин совгӀатхо (1986);
• Юниорашна йукъахь дуьненан чемпионка (1985)^[9];
• Дуьненан Универсиадин детин совгӀатхо (1987)^[7].

• ССРС-н Сийлахь спортан говзанча^[7].

Майра — Виктор Козик, хьалха Алма-Атин «Дорожник» волейболан командин левзина, 1991 шеран ССРС-н Кад баьккхинарг^[11]. Карьер чекхйаьлча Бордехь йолчу волейболан клубан тренер болх бира. Доьзално казахстанийн махкалла ларйо^[10].