Гайсанов, Рашид Яхьяевич
Гайсанов Рашид Яхьяевич ( 1972 шеран 17 сентябрь, Гамурзиево, Нохч-ГӀалгӀайн АССР ) — Российн пачхьалкхан а, политик а, 2008 шеран 13 ноябрера 2009 шеран 5 октябре кхаччалц ГӀалгӀайчоьнан Правительствон председатель. ГӀалгӀайчоь Республикан Президентан декхарш кхочушдеш 2009 шеран июль-август баттахь. Цул хьалха ГӀалгӀайчоьнан экономикан министр вара иза.
Биографи
Гайсанов Рашид вина 1972-чу шеран сентябрь беттан 17-чу дийнахь Нохч-ГӀалгӀайн АССР Гамурзиево йуьртахь.
1993-чу шарахь Гайсановс чекхйаьккхира Ростовера халкъан бахаман институт финансийн а, экономикан а говзалла йолуш, цул тӀаьхьа Назране йухавоьрзу, цигахь цо болх бира Россин Сбербанкан гӀалгӀайн декъехь аудиторан даржехь 1994 шо кхаччалц.
1994-1998 шерашкахь «Эрзи» коммерцин банкан правленин председателан заместитель вара иза.
1998 шарахь Гайсановн карьера сиха хьалайала йолайелира: Россин Сбербанкан гӀалгӀайн филиалан куьйгалхочун гӀовс тӀера (1998—1999), Федерацин Кхеташонан декъашхочун а, ГӀалгӀайчоьнан президентан а гӀоьнча а, ГӀалгӀайчоьнан президент а Аушев Руслан, ГӀалгӀайн Республикан президентан гӀоьнча а, хьехамча а[1].
1999 шеран 2 декабрехь Гайсанов хӀоттийра ГӀалгӀайчоьнан экономикан министран дарже, цу кепара иза хилира, шен 27 шо долуш, хӀетахь Оьрсийчохь уггаре а кегийчу министрех цхьаъ.
2003-чу шарахь цо чекхйаьккхира Россин Президентан пачхьалкхан урхаллин академи.
2005-2006 шерашкахь ГӀалгӀайн пачхьалкхан университетан проректоран болх бина Гайсановс.
2006-чу шарера 2008-чу шаре кхаччалц Гайсановс болх бира Къилбаседан федералан гонахь волчу Президентан векалан аппаратехь. 2008-чу шарахь Къилбаседа Федеральни округан инвестицийн программийн а, проектийн а департаментан директоран гӀовс а, директоран даржехь а вара иза.
2008 шеран 13 ноябрехь ГӀалгӀайчоьнан Правительствон председатель хӀоттийра Гайсанов.
2009-чу шеран май беттан 6-чу дийнахь дуьйна «Цхьааллин Оьрсийчоь» партин ГӀалгӀайн регионан декъан президиуман секретарь вара иза.
2009 шеран 3 июлехь дуьйна 12 августехь кхаччалц ГӀалгӀайчоьнан куьйгалхочун декхарш кхочушдеш вара Гайсанов, Евкуров Юнус-Бек ша вен гӀоьртинчул тIаьхьа дарба дечунна йукъехь[2][3].
Шен «вице-паччахьан» белхан мах хадийна, республике йухавеъначу Евкуровс балхара дӀадаьккхира ГӀалгӀайчоьнан Ӏедал 2009 шеран 5 октябрехь, шакъаьстинчу омрица Евкуровс дӀаваьккхира Гайсанов шен премьер-министран даржера [4].
И хиламаш хиллачул тӀаьхьа Гайсановн цӀе йайна Оьрсийчоьнан хаамийн гӀирсашкахь.
Доьзал
Гайсанов Рашид зуда йалийна ву, пхи бер а долуш ву .
Билгалдахарш
- ↑ Рашид Яхьяевич Гайсанов. Биографическая справка. ТӀекхочу дата: 2009 шеран 4 август. Архивйина 2009 шеран 28 июнехь
- ↑ Указ Президента Российской Федерации от 03.07.2009 г. № 737 «О временном исполнении обязанностей Президента Республики Ингушетия». ТӀекхочу дата: 2019 шеран 25 октябрь. Архивйина 2019 шеран 25 октябрехь
- ↑ Указ Президента Российской Федерации от 12.08.2009 г. № 934 «О признании утратившим силу Указа Президента Российской Федерации от 3 июля 2009 г. N 737 „О временном исполнении обязанностей Президента Республики Ингушетия“». ТӀекхочу дата: 2019 шеран 25 октябрь. Архивйина 2019 шеран 25 октябрехь
- ↑ REGIONS.RU — новости Федерации | Правительство Ингушетии отправлено в отставку. ТӀекхочу дата: 2009 шеран 6 октябрь. Архивйина 2013 шеран 29 октябрехь
Литература
- ГIалгIайчоь: гӀарайаьлла суртдиллархойн энциклопеди / Сост. Якуб Патиев. — Магас : «Сердало», 2023. — 816 с. — ISBN 978-594452-185-9.