Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Гайрабекова, Марха Олхазаран йоӀ

Гайрабекова, Марха Олхазаран йоӀ (оьрс. Гайрабекова Марха Олхузаровна; 1975 шеран 10 сентябрь) — российн актриса а, илланча а, Нохчийн Республикан сийлахь артист а, Нохчийн Республикин халкъан артист а[1][2].

Биографи

Гайрабекова Марха йина 1975-чу шеран товбецан беттан 10-чу дийнахь, шен 15 шо долуш дуьйна Соьлжа-ГӀалин кӀоште Садовое оьздангаллин цӀийнан «Ламанан аз» вокальни-инструментальни ансамблан солистка йара. 1992-чу шарахь чекхъйаьккхина йуккъера йукъара школа.

Оццу шарахь иза солист санна тӀеийцира Нохчийн пачхьалкхан филармонин «Илли» халкъан эшарийн ансамбле. ТӀаьхьо Марха соло карьера йолийра.

2002-чу шарахь иза солист санна тӀеийцира халкъан эшарийн «Нур-ЖовхӀар» ансамбле, Эльмурзаева Мадина куьйгалла а деш. Оццу хенахь актриса деша йоьду Нохчийн пачхьалкхан университетан актерийн декъе[3].

2011-чу шарахь Гайрабекова актриса санна тӀеоьцу Хьаван Ахмадован кегийрхойн театран «Серло» труппе[4]. 2012-чу шарахь Нохчийн Республикин культурин министерствон Сийлаллин грамота йелла цунна.

2015-чу шарахь Нохчийн драмин Нурадилов Ханпашин цӀарах театре актриса болх беш йу.

Гайрабекова Марха дуккха а спектаклашкахь дакъалоцуш йу, цо иштта жигара дакъалоцуш йу театран мероприятешкахь, театран а, музыкальни а программашкахь дакъалоцуш йу иза.

Театрехь ролаш

ХӀинцалера спектаклаш:

  • «Марнаний, йалх нуссий»[5] — Лутфи;
  • «Золушка» — Туьйра;
  • «Захало»[6] — Арина Пантелеймоновна;
  • «Нохчийн махкахь, нохчийн маттахь» 2-гӀа дакъа— Машар;
  • «Ша тӀехь йина гӀала»[7] — Санет;
  • «Ворда хаьрцича — некъ карийна»— Тася;
  • «Сан некъ» — Бану-нана;
  • «Заза даьккхинчу бешахь кӀайн цӀа» — коьртачу турпалхочун нана;
  • «Ткъа кхин а кхоъ йалар» — Лаура;
  • «Буьйсанан гӀовгӀа» — Леонсия;
  • «Хьуьна йуккъехь ирзу» — коьртачу турпалхочун нана;
  • «Майра кӀант Берса, хаза йоӀ Жовхар» — коьртачу турпалхочун нана;
  • «Марчо эца вахнарг» — зударийн батальонан декъашхо;
  • «Мохк бегийча» — коьртачу турпалхочун нана;
  • «Къонахчун дош» — Асет.

Фильмографи

  • «Дицдан омра дина», йуьззина метраж йолу фильм, режиссёр Х. Эркенов.

Совгаташ

  • Нохчийн Республикин культурин министерствон «Оьздангалла кхиорна» билгало (2012);
  • Нохчийн Республикан Сийлахь артист а (2017);
  • «Сийлахь къинхьегамна» сийлаллин билгало (2021)[8];
  • Нохчийн Республикан Халкъан артист (2025).

Билгалдахарш

  1. ↑ Луиза Цагуева. Марха Гайрабекова: Самая главная роль в моей жизни - это роль матери. ИА «Грозный-информ» (2019 шеран 14 сентябрь). ТӀекхочу дата: 2024 шеран 29 март.
  2. ↑ Театру им. Нурадилова присвоено звание «Академический». www.chechnyatoday.com (2025 шеран 25 апрель). ТӀекхочу дата: 2026 шеран 20 апрель.
  3. ↑ Гайрабекова Марха Олхузаровна. Кино-Театр.Ру (2022 шеран 4 июль). ТӀекхочу дата: 2024 шеран 29 март.
  4. ↑ В Грозном состоялся концерт «Когда поют актеры». «Грозный-информ», Информационное агентство Чеченской Республики (2011 шеран 28 июнь). ТӀекхочу дата: 2024 шеран 29 март.
  5. ↑ Комедия «Свекровь и шесть невесток» собирает аншлаги. ИА «Чеченская Республика Сегодня».. ГАУ ИА «Чеченская Республика Сегодня». (2017 шеран 22 декабрь). ТӀекхочу дата: 2024 шеран 29 март.
  6. ↑ Пьеса Гоголя «Женитьба» зазвучала на чеченском языке. ГТРК «Вайнах» (2021 шеран 4 март). ТӀекхочу дата: 2024 шеран 29 март.
  7. ↑ Малика Абалаева. Спектакль для размышления… Сетевое издание «Вести Чеченской Республики» (2015 шеран 3 ноябрь). ТӀекхочу дата: 2023 шеран 29 март.
  8. ↑ Марха Гайрабекова. Актриса — Чеченский государственный академический театр им.Х.Нурадилова. www.teatrnuradilova.ru. ТӀекхочу дата: 2026 шеран 20 апрель.

Категореш