Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Бокила, Джереми

Дже́реми Лотете́ка Боки́ла (нидерл. Jeremy Loteteka Bokila; 1988 шеран 14 ноябрь[1], Киншаса) — конгон футболист, шотландин «Ливингстон» клубан тӀелатархо[2][3].

Биографи а, карьера а

Вина 1988 шеран 14 ноябрехь Киншасехь, Демократин Республика Конгохь[2].

Клубашкахь

Шен говзаллин карьера йолийна голландин шолгӀачу дивизионехь АГОВВ клубехь.

2010 шеран аьхка Бокила маьрша агент(оьр.)нохч. санна дехьавелира бельгин шолгӀа дивизионера «Зюлте-Варегеме». Хьалхарчу шарахь Бокила левзира 21 матчехь, чутуьйхира ши гол. ШолгӀачу шарахь 2 матчехь бен ца левзира, голландин «Спарте» бегонде велира. Шарахь 28 матчехь цуо туьйхира 15 буьрка, Нидерландийн кедехь кхаа матчехь йиъ буьрка туьйхира.

2013 шеран мартехь кхайкхийра, Бокилин контракт кестта схьаоьцур ду аьлла[4]. 2013 шарахь Бокилас «Петролулан» йукъахь 3 меттиг йаьккхина Румынин чемпионатехь, кхин а баьккхина мехкан кал, цуьнца цхьаьна 31 матчехь левзина, чутоьхна 16 буьрка йерриг турнирашкахь. Оцу шеран 28 августехь «Теркан» спортан директор волчу Алханов Хьайдара тӀечӀагдира Бокила 800 эзар еврох, цуьнан командера накъост Грозав Георге а Соьлжа-ГӀалин клубера. 14 сентябрехь Джеремис дебют йира керла клубехь питеран «Зенитца» (2:0), хийцира Маурисио 65-гӀа минотехь[5]. 31 октябрехь иза билгалвелира голца «Теркехь», шозза чутуьйхира «Нефтехимикан» кевнашна (4:1) Российн кедан матчехь. 2014 шеран 1 мартехь Бокилас Мордовин йира хет-трик» (3:2).

2015 шеран 18 июнехь дехьавелира Цийчуьра «Гуанчжоу Фули» клуб йукъа. 7 апрелехь «Шанхай Шэньхуан» дуьхьала Джеремис дебют йира цийчоьнан Суперлигехь. 7 декабрехь «Шанхай СИПГ» клубан шен хьалхара гол тоьхна. «Гуанчжоу Фули» йукъахь Бокилас 13 матчехь 4 гол тоьхна йерриг турнирашкахь.

2016 шеран Ӏай Бокила дехьавелира «Эскишехирспор» йукъа бегондин бакъонашца эха шарна. Дебют хилира «Антальяспоран» (3:2) дуьхьала, Бокила йукъавелира тӀаьххьара 2 минотан Мейе Акселан метта. Дерриге шо чекхдаллалц левзира 13 матчехь, 1 гол а туьйхира.

2016 шеран аьхка Бокила йуха а велира бегонде, хӀинца КъатӀарера «Аль-ХарийтӀийате» иштта эха шарна. 16 сентябрехь дебют йира «Аль-ХарийтӀийат» йукъахь «Аль-Саддаца», цигахь цуьнан команда ийшира 0:4. Оцу эха шарахь 14 матчехь левзира, 3 гол а туьйхира.

2017 шеран 31 январехь Бокилас контракт йазйира «Акхисар Беледиеспорца». 25 февралехь «Антальяспоран» дуьхьала дебют йира керла командехь. Оцу эха шарахь Бокила левзира 5 матчехь.

2017 шеран 1 июлехь Бокила бегонде ЧФР клуб йукъа. Цо шен дебют йира Ботошаница (1:1). Амма 2017 шеран 4 сентябрехь ЧФР клубца бегондин барт бохийра, Бокила йухавеара Туркойчу. Амма иза оцу сохьта бегондица дӀавелира Румынин кхечу тобане — «Динамо» Бухарест клубе. Цо шен дебют йира «Поли Тимишоараца» хиллачу матчехь (1:2). Бухарестан «Динамо» тобанехь 12 матч левзина иза, 1 гол а тоьхна.

2018 шеран 30 июнехь иза йухавирзира «Акхисар Беледиеспоре».

2018/2019 шарахь Туркойчоьнан Суперкад баьккхира цо, Ахисарца цхьаьна Туркойчоьнан Кедан финале кхаьчна, амма чемпионат дӀайаьллачул тӀаьхьа Суперлигера охьайелира. 2019-чу шеран сентябрь беттан 2-чу дийнахь Бокила дехьавелира «Хатайспоре». Цо дакъа лоцура тобано эххар а чемпионан Хьалхарчу лига йолучу шарахь, ткъа 2020 шеран 7 январехь иза дӀехьавелира Кечиоренгюджю гӀала[6].

2020 шеран гурахь дӀакхийтира бельгин клубах «Тес Спорт», амма COVID-19 пандеми бахьнехь цхьанне матчехь ца левзира. 2021 шеран январехь карьера дӀайаьхьира америкин «Окленд Рутс» клубехь[6].

2022-чу шеран июль беттан 6-чу дийнахь цо контракт йира Нидерландийн агӀонца «Виллем II» тобанца. 2023/2024 шарахь цо 11 гол тоьхна лигехь, гӀо дира клубана Хьалхара дивизионехь толам баккха а, Эредивизи йухайерза а. Бокилас гайтира ша эффективни ротацин ловзархо («суперрезерван»), сих-сиха тухура толаман голаш цхьаъ хийца йукъаваьлча[6]

2025 шеран 28 июлехь дехьаьлла шотландин «Ливингстоне»[7].

Гулйина командехь

Бокилин шала гражданалла йу — ДР Конгон а, Нидерландийн а, амма сацам бина хьомен мехкан командехь(оьр.)нохч.. 2012 шеран 14 ноябрехь, шен 24 шо кхочуш, Джеремис дебют йира «леопардашна» йукъахь Буркина-Фасоца ловзуш (0:1)[8].

2017 шерал тӀаьхьа Бокиле ца кхойкху гулйина командехь ловза, дакъа ца лаьцна тӀаьхьа йогӀу йаккхийра турнирашкахь, цуарна йукъахь 2019, 2023, 2025 шераийн Африкин къаьмнийн кедаш[6].

Кхиамаш

«Петролул»
«Хатайспор»
  • Туркойчоьнан хьалхара лигин толамхо: 2019/2020.
«Виллем II»
  • Нидерландий хьалхара дивизионан толамхо: 2023/2024.

Билгалдахарш

  1. ↑ Jeremy Bokila // Transfermarkt(бил-боцу.) — 2000.
  2. ↑ 1 2 Jeremy Bokila. livingstonfc.co.uk. ТӀекхочу дата: 2026 шеран 7 февраль.
  3. ↑ Жереми Бокила - футболист, нападающий, Ливингстон, 37 лет, голы и статистика 2026, карьера, результаты, номер, контракт, биография, википедия, Трансфермаркт, новости, видео на Sports.ru. Спортс’’. ТӀекхочу дата: 2026 шеран 7 февраль.
  4. ↑ S-a decis viitorul lui Jeremy Bokila! (рум.). ProSport (2013 шеран 10 май). ТӀекхочу дата: 2026 шеран 7 февраль.
  5. ↑ Zenit Saint-Petersburg 2:0 Terek Grozny (инг.). Transfermarkt.co.uk. ТӀекхочу дата: 2026 шеран 7 февраль. Архивйина 2013 шеран 15 октябрехь
  6. ↑ 1 2 3 4 J. Bokila. Soccerway. ТӀекхочу дата: 2026 шеран 7 февраль.
  7. ↑ Jeremy Bokila - Player profile. Transfermarkt. ТӀекхочу дата: 2026 шеран 7 февраль.
  8. ↑ Foot-amical: la RDC perd face au Burkina Faso (0-1) (фр.). MediaCongo.net. ТӀекхочу дата: 2026 шеран 7 февраль.

Кхин дӀа темана тӀехь

Категореш