Берсанукаев, Якуб Розакович
Я́куб Роза́кович Берсанука́ев (1991 шеран 4 декабрь) — Россин ийна латаран латархо, профессионалашна йукъахь кикбоксингах Россин чемпион, дуьненан чемпион, Россин Къилбан 4-за чемпион, Россин 3-за чемпион, Россин дуьненайукъара классан спортан говзанча.
Биографи
1991 шеран 4 декабрехь вина. Дуьненан чемпионан Муса Шихабован куьйгаллица «Беркут» латархойн клубехь тренировкаш йо. 2010-чу шарахь кегийрхошна йукъахь кикбоксингах дуьненан чемпион хилла иза. 2011-чу шарахь баккхийчарна йукъахь Россин а, дуьненан а чемпион хилла. 2012-чу шарахь W-5 версица профессионалашна йукъахь кикбоксингах Россин чемпион хилла иза. 2013-чу шарахь Шахты гӀалахь дӀайаьхьначу Россин чемпионатехь шолгӀа меттиг йаьккхина цо. Оццу шарахь Сегед гӀалахь (Мажаройчоь) дӀайаьхьначу дуьненан Кедехь К-1 декъехь бронзин мидал йаьккхина цо.
Дуккха а Йерригроссин а, дуьненайукъара а турнирашкахь толам баьккхина цо. Ийна латарашкахь 6 латар дӀадаьхьна цо, царех 5 латарехь толам баьккхина.
СовгӀаташ а, цӀераш а
Билгалдахарш
- ↑ Якуб Берсанукаев стал мастером спорта международного класса. www.grozny-inform.ru (2012 шеран 18 июль). ТӀекхочу дата: 2026 шеран 16 июль.
- ↑ Якуб Берсанукаев признан зрителями телеканала «Грозный» лучшим спортсменом в январе 2017 года. ЧГТРК ГРОЗНЫЙ. ТӀекхочу дата: 2026 шеран 16 июль.
Литература
- С-А. М. Аслаханов, Х. Х. Хизриев. Физическая культура и спорт Чечни: истоки и современность. — Москва: «Перо», 2015. — С. 114. — 240 с. — ISBN 978-500086-997-0.
Хьажоргаш
- Два золота и бронза наших кикбоксеров. web.archive.org. ТӀекхочу дата: 2026 шеран 15 июль.
- Судьи решают все. web.archive.org. ТӀекхочу дата: 2026 шеран 15 июль.