Аухадов, Хамзат Ахмаевич

1965-чу шеран хӀутосург (май) беттан 13-чу дийнахь Хьалха-Мартанехь вина. 6-чу классехь волуш йозаллин атлетикехь гӀулчаш йаха волавелла иза.

1982-чу шарахь ишкол чекхйаьккхина. 1983-чу шарахь ишколехь физически культурин хьехархочун болх бан волавелла. 1987-чу шарахь Хьалха-Мартанан берийн-кегийрхойн спортан ишколехь(оьр.)нохч. болх бан дехьаваьлла. Оцу шарахь ССРС-н спортан мастеран норматив кхочушйина. 1991-чу шарахь Нохч-ГӀалгӀайн пачхьалкхан университет чекхйаьккхина цо.

2000-чу шеран йуьххьехь тӀеман гӀуллакхашкахь цуьнан цӀа дохийна. Шен цӀахь шен чотах спортзал йина цо, берашна Ӏамо волавелла, царна йукъахь шен кӀант Апти а волуш. ТӀаьхьа Аптих Россин, Европин а, дуьненан а толамхо хилла, 2013-чу шеран Казанера аьхкенан Универсиадан толамхо а хилла.

Тренеран дуьххьарлера кхиам бара ССРС спортан мастераш кхиор, царна йукъахь бара тайп-тайпанчу тӀегӀанийн къовсамашкахь билгалбевлла толамхой: «Динамо» Центран спортан клубан толамхо Джамалаев Зелимхан, РСФСР а, Ислам Бачавн а чемпионатехь кхоалгӀа меттиг йаьккхина Джамалаев Руман, Бамчаев Ислам. Къаьсттина хьахо веза цуьнан дешархо Исраилов Сайд-Селим, дуьненайукъарчу классан спортан мастеран статусе кхаьчна, Россин чемпионаташкахь толамхо, Европан чемпионатехь бронзан мидал йаьккхина волу.

Цул тӀаьхьа кхиамца чекхбевллачу выпускникашна йукъахь бу Россин чемпионатан масех мидалхо а, Россин Кубок йаьккхинарг а Давдаев Алик а, «Кавказан дуьне» турниран толамхо Багаев Хьасан а, шайн лаккхара говзалла гайтина а, Российн спортехь хьакъ долу дакъа лаьцна кхин а спортхой а^[1].

• Россин Федерацин спортан министерствон 2012-чу шеран декабрь беттан 29-чу дийнахь динчу омрица цунна йелла «Российн хьакъволу тренер» цӀе;
• Россин Федерацин Президентан 2013-чу шеран 2-чу февралехь динчу указца цунна йелла «За заслуги перед Отечеством» орденан мидал, 2-гӀа тӀегӀанан;
• Россин Федерацин «Йеза атлетика» спортах йолчу йезачу категорин спортан судья (2026)^[2].