Атангана, Симон

Камерунан «Фугре» а, «Олимпик Мволе» а клубашкахь ловзуш вара иза. Оццу шерашкахь иза ловза волавелира Камерунан жимахойн тобанехь, цул тӀаьхьа иза эцна СаӀудийн Ӏаьрбийчоьнан «Аль-Фатхь» клубо, амма цигахь цхьа шо бен ца даьккхира, шен даймахка йухавеара, Камерунан футболан лидерех цхьаъ йолчу «Тоннере». 2000 шарахь цо контракт йира Шотландин «Данди Юнайтед(оьр.)нохч. тобанца. Амма цуьнан аьтто ца белира Дандихь коьртачу тобанехь меттиг йаккха. Шина сезонехь лигехь 11 матчехь бен ца левзина, 2002 шеран январехь иза бегондица дӀавелира Ингалсан шолгӀачу дивизионан «Порт-Вейл» клубе, цигахь иза шина матчехь левзира. ТӀаьхьо иза ловзуш вара лахарчу ингалсан лигашкахь «Колчестер Юнайтед» а, «Грейс Атлетик» а, «Халстед Таун» а тобанашна йукъахь. 2004 шарахь иза дӀавахара Оьрсийчоьнан «Луч-Энергия» клубе, цигахь фанатийн фаворит хилира, «Максимка» аьлла цӀе йелира цунна^[2] Цхьа шо даьккхира цуо Лучехь, 39 матчехь 11 гол а тоьхна, Оьрсийчоьнан хьалхарчу дивизионехь тоьллачу кхечу пачхьалкхийн ловзархочун цӀе а йаьккхина. Цул тӀаьхьа иза эцна «Терк» клубо, амма Ӏаморийн лагерехь тобанан тренерийн штабна Ӏаткъам бан аьтто ца баьлла, вуно кӀезиг ловзуш вара, 11 матчехь гучувелира. Июнь баттахь иза бегонде велира Белоруссин "СКВИЧ Локомотив" клубе. Цигахь шен дуьххьарлерчу ловзарехь цо кхо гол тоьхна Борисов БАТЭ-на дуьхьал^[3], амма цул тӀаьхьа цуьнан гол тохаран барам лахбелира, цо кӀезиг гол тохара. Шо чекхдолуш, иза йуха а «Терк» клубе веара, дерриг рогӀера шо клубехь даьккхира, 33 матчехь ловзуш, 9 гол а тоьхна. Амма Терк реза ца хилира шен контракт карлайаккха, цундела иза керла тоба лаха волавелира. Запорожьен «Металургехь» хьевсира цуьнга, амма тренерийн штабна иза ца тайра. 2009 шеран Ӏай гӀоьртира Брянскан «Динамохь» дӀатарвала^[4], амма аьтту ца белира. 2010 шеран аьхка Сен-Дизьен гӀалара французийн клубе дехьавелира. 2010/11 шарахь 6 гол туьйхира 21 матчехь Францин шолгӀа йезархойн лигехь.

1999 шарахь иза ловза волавелира 2000 шарахь Сиднейхь хир йолчу аьхкенан Олимпиадин кечам беш йолчу къоман тобанехь. Команда гастролашкахь йара Ингалсчохь, ткъа 1:1 нисъеллачу «Манчестер Сити» тобанца хиллачу матчехь цо гол тоьхна Ингалсан премьер-лигин клубана дуьхьал. Йерриг Камерунан гулйина командехь(оьр.)нохч. левзина 29 матчехь, чутоьхна 11 гол.