Анзорова, Балкан Анзоран йоӀ

Хӏара йаззам РУВИКИ чуьра бу — маьрша энциклопеди
Анзорова, Балкан Анзоран йоӀ
Анзорова, Балкан Анзоран йоӀ.jpg
Йина терахь 1923 шеран 24 декабрь({{padleft:1923|4|0}}-{{padleft:12|2|0}}-{{padleft:24|2|0}})
Йина меттиг Хьалха-Марта
Кхелхина терахь: 1997
ГӀуллакхан тайпа: поэт

Анзорова, Балкан Анзоран йоӀ (псевдоним, баккъалла фамили Назирова; 1923 шеран 24 декабрь, Хьалха-Марта — 1997) — нохчийн халкъан иллиалархо, Нохчо-ГӀалгӀайн пачхьалкхан иллиалархойн а, хелхаран а ансамблан поэтесса, музыкант, солистка, ССРС-н йаздархойн бертан декъахо.

Биографи

[нисйан | код нисйан]

Доьзалехь кхо йоӀ йара, цхьа кӀант вара. Балкан шолгӀа йоӀ йара. Цуьнан дехарца дас цунна кехат-пондар ийцира, йоӀан пондар сиха карабирзира, нохчийн гӀарваьллачу музыкантан Димаев Ӏумаран мукъамаш балабора цо шен пондарца[1].

Ишкол чекхйаьккхинчул тӀаьхьа Балкана болх бира ликбезан курсашкахь хьехархо хила, йуккъерчу ишколехь пионерийн отрядан баьчча йара[1][2], берийн бешан хьехархо, клубан куьйгалхо, библиотекарь йара[1]. Мукъачу хенахь парашютца лелар дезаш а, спортан секцешкахь дакъалоцуш а йара иза. 1940-чу шарахь Соьлжа-ГӀалин кроссехь толам баьккхира цо, толам баккхарна тегаран машен а йелира цунна. Дукха хан йалале Балкана цунах пайдаэца Ӏемира, шен доьзална а, накъосташна а бедарш тега йолайелира иза. Дукха хан йалале иза Хьалха-Мартанан артеле балха кхайкхира[1].

Оццу хенахь цуьнан дуьххьарлера стихаш арайийла йуьйлайелира республикин зорбанехь («Ленинан некъ» газет, «Орга» литературин альманах). Цуьнца цхьаьна цуьнан стихаш «Тхан иллеш» цӀе йолчу коллективан гуларна йукъайахара. Иза шуьйра йевзира республикехь халкъан барта кхоллараллин а, шен-шен иллеш а дӀааларца. Цо лело йолийра шен ден сий деш ша схьаэцна «Анзорова» цӀе йолу сценерийн цӀе. 1940 шарахь ССРС-н йаздархойн бертан декъахо хилира[3]. 1939 шарахь цунна йелира «Сийлаллин билгало» орден[2].

Билгалдахарш

[нисйан | код нисйан]
  1. ↑ 1 2 3 4 Чагаева, 2018, с. 58.
  2. ↑ 1 2 Грозный.
  3. ↑ Чагаева, 2018, с. 59.

Литература

[нисйан | код нисйан]
  • Чагаева Тамара. Литературно-географический атлас Чеченской Республики. — Нальчик: ООО Тетраграф, 2018. — С. 58—62. — 440 с. — 5000 экз. — ISBN 978-5-00066-153-6.
  • Туркаев Х. В., Мальсагов А. У. Писатели советской Чечено-Ингушетии. — Гр.: Чечено-Ингушское книжное издательство, 1969. — 146 с.
Хьост — «https://ce.ruwiki.ru/w/index.php?title=Анзорова,_Балкан_Анзоран_йоӀ&oldid=13160236»