Агаев, Мамед
Мамед Ага́ев (эрм. Մամեդ Աղաև, 1976 шеран 26 май, Хьалха-Марта) — эрмалойн махкара паргӀат кепар нохчийн латархо а. Европин чемпионатан детин совгӀатхо 2003 шарахь[1]. Афинашкахь хилла долу Аьхкенан Олимпан ловзарийн декъашхо 2004 шарахь[2][3].
Биографи
Вина 1976 шеран хӀутосург беттахь 26-чу дийнахь Нохч-ГӀалгӀайн АССР-н Хьалха-МартантӀехь[1]. Иза къомах нохчо ву. ПаргӀат кепехь латар лело волавелира иза 1987-чу шарахь, шен йалх шо долуш[2].
Шен атлетикан карьера йолалуш иза къовсалуш вара Россин цӀарах. 1999-чу шарахь шен спортан гражданалла хийцина, Эрмалойчоьнан цӀарах ловза волавелира иза. Ванадзор гӀалахь (хьалха Кировакан) «Ажастан» спортан клубехь Ӏамош вара иза. Иза Ӏамийна тренераш Грант Енокян а, Араик Багдадян а[2][4].
84-85 кг кхаччалц йолчу йозаллин категорешкахь къовсалора иза. Спортхочун локхалла 180 см йара. Цуьнна «Российн дуьненайукъарчу классан спортан говзанча» цӀе йеллара.
Шен спортан карьера цо чекхйаьккхира 2004-чу шарахь Афинехь хиллачу аьхкенан Олимпийн ловзаршкахь дакъалаьцначул тӀаьхьа[1].
Спортан кхиамаш
Агаев Мамедан уггаре а боккха кхиам бара 2003-чу шарахь Ригехь хиллачу Европан чемпионатехь 84 кила кхачаза болчу йозаллин категорехь дато мидал йаккхар[1].
1994-чу шарахь Будапештехь кегийрхойн дуьненан чемпионатехь борзан мидал йаьккхира цо[2]. Европан чемпионатехь шозза доьалгӀа меттиг баьккхира — 2000 а, 2001 а шерашкахь Будапештехь (85 кг кӀезиг йозаллин классехь)[1]. 2003 шарахь Нью-Йоркехь хиллачу дуьненан чемпионатехь 84 кила кхачаза болчу категорехь бархӀалгӀа меттиг йаьккхира цо[1].
2004 шарахь Афинехь хиллачу Олимпан ловзаршкахь Агаев Эрмалойчоьнан цӀарах къовсалела волавелла.
84 кила кхачаза йозаллин классехь, амма мидалийн пьедестал тӀе кхача аьтто ца белира цуьнан[2][1].
Спортан хиламаш
| Шо | Йахьалло | ГӀала | Меттиг |
|---|---|---|---|
| 1994 | Юниорашна йукъара дуьненан чемпионат | Будапешт | 
|
| 1997 | Кубок мира | Стиллуотер | 4 |
| 1997 | Дуьненан салтийн ловзарш | 4 | |
| 1999 | Дуьненан чемпионат | Анкара | 12 |
| 2000 | Европин чемпионат | Будапешт | 6 |
| 2001 | Европин чемпионат | Будапешт | 6 |
| 2001 | Дуьненан чемпионат | София | 24 |
| 2003 | Дуьненан чемпионат | Нью-Йорк | 8 |
| 2003 | Европин чемпионат | Рига |  [5]
|
| 2004 | Европин чемпионат | Анкара | 13 |
| 2004 | Олимпан ловзарш | Афины | дисквалификаци |
Билгалдахарш
- ↑ 1 2 3 4 5 6 7 Mamed Agaev (инг.). web.archive.org. ТӀекхочу дата: 2026 шеран 21 июль.
- ↑ 1 2 3 4 5 Мамед Агаев. web.archive.org. ТӀекхочу дата: 2026 шеран 21 июль.
- ↑ Mamed Aghaev Bio, Stats, and Results (инг.). Olympics at Sports-Reference.com. ТӀекхочу дата: 2026 шеран 21 июль.
- ↑ Мамед Агаев. www.shatoy.fr. ТӀекхочу дата: 2026 шеран 21 июль.
- ↑ Aghaev, Mahmed (ARM) (инг.). whatsmat.uww.org. ТӀекхочу дата: 2026 шеран 21 июль.